الثلاثاء، 29 ديسمبر 2009

جوه حضنك

جوه حضنك شفت أحلامي بقت قدامي

جوه حضنك .. لقيت أمان .. حسيت بحنان .. ما حسيتوش قبل النهاردة
وف عينيكي .. سمعت كلام .. مليان غرام .. ما سمعتوش من أي واحدة


انتي مين .. وجاية منين .. وواخداني لفين 
أيام بتعدي وسنين .. ولا عارف بقيت أنا مين 
أنا مين ؟!


جوه حضنك .. شوفت أحلامي .. بقت قدامي .. ومن تاني رجعت أعيش
وطول ليلي .. بفكر فيكي وف قلبك .. ده خلي الفرح ما يسبنيش
دي حياتي .. اتغيرت بيكي .. أنا ليكي .. بعيش .. وهعيش


انتي مين .. وجاية منين .. وواخداني لفين
أيام بتعدي وسنين .. ولا عارف بقيت أنا مين
أنا مين ؟!
حضنك




*****************
NaBiL THaBeT


الخميس، 17 ديسمبر 2009

سيبنا بعض


سيبنا بعض

اسألها هي حبت مين .. ما تقولش حبيتها

اسألها حست بالحنين .. ف حضني ولا ف حضنك انت
مستني أسمع منها رد .. وردك انت قبلها
ده اللي كان ما بينا وعد .. خنته انت بحبها

وكان .. مني ليك أمان .. وليها حنان .. عليكوا هان

وعليا أعيش بجراح .. ما أنا حلمي بنيته راح .. وانهدم
كل اللي عشت ابنيه .. وليه .. يبقي بايدين حبيبتي وبايديك
ياللي عمري ما كنت قاسي عليك .. وبيك .. كان الأمان موجود
ولما خان .. أقرب ما ليا الوعد
ضعت أنا من حبيبتي .. وسيبنا بعض
وعشنا بعد .. بعد أما كان القرب .. هو طريقنا لبعض
خان .. أقرب ما ليا الوعد
ضعت أنا من حبيبتي .. وسيبنا بعض

جميع الحقوق محفوظة


كتبت بتاريخ

23/11/2008



السبت، 12 ديسمبر 2009

جرح بجرح





جرح بجرح


جرح بجرح .. ماعشتش فرح .. ف يوم

وأدي العمر .. سنينه بتمر .. هموم

اتعذب قلبي .. ومن حبايبي .. مظلوم


دي حياتي بقت لعبة ف ايد اللي ف ايدهم روحي

هم اللي جابوني للدنيا ومن الدنيا بيخطفوا روحي


جيت للدنيا .. بتوأم ليا .. اتنين عايشين .. والروح واحدة

وف يوم فرح .. اتحول جرح .. الروح منها راحت متاخدة

وفضلت روحي عشان تتعذب .. بكلامهم ليا اني الجانية


دي حياتي بقت لعبة ف ايد اللي ف ايدهم روحي

هم اللي جابوني للدنيا ومن الدنيا بيخطفوا روحي


تملي بشوفها ف أحلامي .. بتنادي عليا ومش حاسيين

اني الباقية لهم ف الدنيا .. أحضانهم ليا ولا السكاكين

وبموت ف اليوم مليون مرة .. صبحت مرة .. السنين


دي حياتي بقت لعبة ف ايد اللي ف ايدهم روحي

هم اللي جابوني للدنيا ومن الدنيا بيخطفوا روحي




جميع الحقوق محفوظة




كتبت بتاريخ


11/12/2009

الاثنين، 7 ديسمبر 2009

مجرد صديق

صديق صاحب حبيب
 
كدبتي عليا وظلمتيه .. وقولتي إنه ظلمك 
كدبتي عليا وجرحتيه .. وجرحه كان منك 

وأنا فين من كل ده ؟ 
مجرد صديق .. في وقت الضيق .. بتشكيله 
ألم بداويه .. وألمي مين .. بيحس بيه ؟ 
أهات ودموع .. مش حاسة بيها .. وبتحبيه !!

كلامنا قليل .. لو نتكلم 
 كلامك عليه .. وأنا بتألم 
بتنادي عليا .. بإسمه هو
مكانه لسه في قلبك جوه 
وأنا فين من كل ده ؟ 
أنا الحبيب التاني
 تاني جرح حتجرحيه  

مجرد صديق .. في وقت الضيق .. بتشكيله 
ألم بداويه .. وألمي مين .. بيحس بيه ؟ 
أهات ودموع .. مش حاسة بيها .. وبتحبيه !!

 كتبت بتاريخ 
22/11/2009

NaBiL THaBeT

السبت، 28 نوفمبر 2009

قلة عقل

خاب أملي


قلة عقل مني 
لو أحبك غصب عني 
جرحك مش هاممني 
مسيري أدّاوي منه 

قلة عقل منك 
ليه راجع للي قالّك 
ندمان لإنه عرفك 
وبقلة عقل حَبّك 

ده غاب تفكيري وعشقتك
وخاب أملي معاك كدبة 
كدبها قلبي صدقها  
لغيت تفكيري واخترتك 

 حكاوي زمان دي مش راجعة 
وما تتكلمش مش سامعك 
كفاية الكدب ده ف دمك 
ونفسي لوهم مش قابلة 

ده غاب تفكيري وعشقتك 
وخاب أملي معاك كدبة 
كدبها قلبي صدقها  
لغيت تفكيري واخترتك

 كتبت بتاريخ
 24/11/2009

NaBiL THaBeT

السبت، 31 أكتوبر 2009

فاتت سنين


فاتت سنين

فاتت سنين وسنين .. وأنا قلبي لسه حزين

علي جرح جواه بقالو سنين

ولا الزمان قادر يمحيه .. ولا قلبي عارف يداويه

وانت السبب يا حبيبي فيه


جرحك في قلبي انا مش هنساه .. حتي لو قلبك ينساه

واقف مكاني وجرحك في بالي .. وقلبك ماشي يكمل خطاه

مابقيتش حاسس بقلبي اللي عاشق .. وسايب جراحك تموت هواه

ليه سايب جراحك تموت هواه


لو دي النهاية تبقي نهايتك .. جرحك مش نهاية الحياه

لو فينا خاين يبقي قلبك .. قلبي قاسي كتير وياه
ولسه فاكر أني عاشقك .. فوق بقي وقلبي انساه

أنا بس فاكر جرحك لقلبي .. وعايش مش عارف أداويه

فاتت سنين وسنين .. وأنا قلبي لسة حزين

علي جرح جواه بقالو سنين

ولا الزمان قادر يمحيه .. ولا قلبي عارف يداويه

وانت السبب يا حبيبي فيه


حمل من هنا بصوتي

كتبت بتاريخ
15/10/2006
جميع الحقوق محفوظة


الأربعاء، 28 أكتوبر 2009

عايز تسمع تضحياتي؟



عايز تسمع تضحياتي ؟


ولا بتقدر ولا بتخاف .. ع اللي وهبلك دفا وأمان
قلبي كان لك نبع الحنان
وبتسألني مين شاف .. حنية منك .. قلبي خاف
منك .. ماسمعتش تضحية ..فين الحنية
كان هوانا عاش


بتكلمني ف تضحياتك .. عايز تسمع تضحياتي
أنا مش هتكلم .. سيبني أتألم .. صدمتي فيك جرح أهو معلم

جاية أقولك يللا نسامح .. ردك ليا مين كان جارح
اسأل نفسك .. ايه كان نفسك .. تكسر قلبي أهو مات بايديك

قبل ما تمشي عايزاك تعرف .. قلبي مات لكن مش هضعف
بعدك فيه انسان بيداوي .. دايما ناوي .. يقدم خير
اسأل نفسك ايه قدمت ؟

عايز تسمع تضحياتي .. أنا ضحيت بالقلب اللي انت
سيبته يموت .. ياريته مات .. بايدين تانيين
ولا كان بايديك



جميع الحقوق محفوظة

كتبت بتاريخ

25/10/2009



الخميس، 15 أكتوبر 2009

البحث عن وطن أخر ليس اسمه مصر






البحث عن وطن أخر ليس اسمه مصر



ماذا يحدث ؟


لقد رحل الشعب !


ماذا تقول ؟ رحل الشعب ؟


كيف ؟ و الى أين ؟



لقد رحل الشعب فعلا .. وأخشي أن يكون رحيل بلا عودة


ما ان أمشي في الشارع .. الا اري شاب يستعد للرحيل


والطامة الكبري .. أنه لا يعلم الي أين يذهب


ولكنه مقتنع اقتناع تام بأن حياته لن تستقيم ولن يحقق أحلامه


سوي بالهروب من مصر .. نعم الهروب من مصر!!



انها مأساة بكل المقاييس !!


وكيف وصلنا لهذا الحال ؟!


انها مجموعة عوامل تراكمت عبر السنين


بالاضافة للصدمات التي يتعرض لها الشعب يوميا


والتي كانت كفيلة لجعله يشرع في الهروب الكبير


أكبر هروب جماعي لمواطني مصر للبحث عن وطن أخر !!



ان الأمر ليس مجرد سفر لدولة أخري للعمل وتأمين المستقبل


أنها هجرة وطن .. اختار جنسية بلد أخري ورفض جنسية بلده


وحطم مقولة " لو لم أكن مصريا لوددت أن أكون مصريا "


وبدلها بمقولة " لو لم أكن مصريا .. لقلت الحمد لله "


ولا حول ولا قوة الا بالله العلي العظيم



اذا ظل الوضع علي ما هو عليه
فأن الأمر سيصبح أسوأ وأسوأ
فالمواطن المصري الأن لا يجد قوت يومه
انه لا يجد أصلا رغيف العيش الحاف!!
فكيف له أن يعيش في هذا الوطن ؟!

******************
بقلم نبيل ثابت
جميع الحقوق محفوظة

كتب بتاريخ
15/10/2009

الجمعة، 2 أكتوبر 2009

حطام انسان


حطام انسان

ماذا يدور في رأسي ؟
مجرد تخيلات لأشياء لن تحدث
أحلام لن تتحقق
ماضي لن يرجع
مستقبل لن يشرق

أشخاص رحلوا ولن يعودوا


حبيب أحببته فأحب فراقي
صديق أخلصت له فاختار هجراني

قريب توددت له فأثر أن يطعنني


أنا ...

أحببت نفسي .. ونفسي أبت أن تهواني
أوهمت نفسي .. بأن الحب باقي

فوجدت الكره .. على كل شيء طاغي

بنيت أحلاما .. بها أحببت الحياة

فهدمت قصوري .. وهويت من السماء

وها أنا ذا ...
أبحث عن نفسي
فلا أجد غير حطام انسان


بقلم نبيل ثابت
جميع الحقوق محفوظة

الخاطرة هنا من اليوم السابع

كتبت بتاريخ
29/9/2009

الاثنين، 21 سبتمبر 2009

حبيبتك مين ؟


حبيبتك مين ؟

حبيبتك مين .. ايه اسمها
اوصفها .. اوصف شعرها
احكي لنا عنها وعن جمالها .. وقول لنا
حبيتها امتي وفين وازاي .. حنيت لها

حبيبتي مفيش كلام .. يكفي لوصفها
ولا أقدر أحكي عنها .. أو أقول ايه اسمها
أنا حتي مش حقول .. ايه لون شعرها
ولا عارف امتي وفين وازاي .. حنيت لها
أنا بس عارف حاجة واحدة .. اني بحبها

دي هي الأمان وسط الخطر
هي النجوم وقت السهر
هي أحلي من القمر
زي المطر .. لما ينزل ع الشجر
أنا شوفتها .. قلبي انفطر
دي ملاك وأنا من البشر

دي كفاية ضحكة تجنني
وكفاية نظرة بتسحرني
أنا كل حاجة بقت ملكي
من يوم هواها ما دوبني
دي ملاك وأنا من البشر

حمل من هنا بصوتي

جميع الحقوق محفوظة
كتبت بتاريخ 19/7/2007




السبت، 29 أغسطس 2009

حتى لا يموت الأمل


الأمل


كم من شاب فينا وجد نفسه حبيسا ليأس واحباط أصبح سمة أساسية من سمات هذا العصر
ولكن في وسط هذا اليأس الرهيب من الحياة ومن الواقع الذي نعيشه يوجد داخل كل شخص فينا بذرة أمل يجب أن نحافظ عليها حتى تصبح شجرة حياة تأخذنا من طي النسيان الي ذاكرة الأيام. 

أنا شاب وعندي طموح يقتله اليأس ولكن لابد أن أنتصر في معركتي مع اليأس انها ليست معركة شخص مع احساس داخلي .. ولكنها حرب جيل بأكلمه مع أخطر الأخطار التي تواجهه وهو خطر اليأس والاستسلام لظروف لو اتحدنا سويا سوف ننتصر عليها. 

أنا شاعر وعندما مسكت بقلمي لأكتب أغنية اعبر بها عن نفسي وعن جيلي وجدت نفسي أكتب أغاني بهذه العناوين المريرة جدا ( ماسك حبال اليأس بايديا – مات فيا الأمل – سايبالي ايه يا دنيا عشان أبكي عليه ) أليس في كل هذا مرارة تعبر عن مرارة هذا الجيل من الشباب ؟!

لقد أن الأوان أن أتغير بل نتغير سويا وأنا سأبدأ بنفسي عملا بقول الحق تبارك وتعالى في سورة الرعد: 
إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ" وفعلا أنا أسير أولي خطواتي نحو كسر اليأس والتغيير
وقد كتبت اغنية اسمها " حتغير " أقول في جزء منها :
العمر لسة فيه قد اللي فات وأكتر
حتي لو يومين .. ساعتين .. برضو حتغير

نعم
حتي لو ان العمر لم يبقي منه أكثر مما فات
لابد ان نتغير .. دائما الي الافضل
حتي لا يموت الامل

***********
أن الأوان أن نتغير
حتي لا يموت الأمل


جميع الحقوق محفوظة 

كتب بتاريخ
26/8/2009

خطاط الغرام
نبيل ثابت

نور حياتي



نور حياتي

أول عينيها ما جت في عينيا أنا خدني ليها حنين
داب فيها قلبي سألت نفسي أنا ايه جرالي
ما أنا كنت عايش قبل ما أشوفها تايه بقالي سنين
واني في يوم أعشق وأدوب ولا كان في بالي

نظرة عينيها أنا شوفت فيها كتير حنان
وياريتني كنت قابلتها من زمان

يا نور حياتي 
اشتقت ليكي وجاي أقولها بأعلي صوت
يانور حياتي 
أنا جاي أقولك ان أنا بحبك موت

***********

أنا قبل منك أنا ولا عايش ده عمري مني ضاع
بس النهاردة أنا ابتديت أعيش حياتي
خلاص نسيتها أنا مش هقولها كلمة وداع
دي حبيبتي جنبي يا قلبي سمعها أهاتي

نظرة عينيها أنا شوفت فيها كتير حنان
وياريتني كنت قابلتها من زمان

يا نور حياتي 
اشتقت ليكي وجاي أقولها بأعلي صوت
يا نور حياتي 
أنا جاي أقولك ان أنا بحبك موت

**************
" كتبت بتاريخ " 
5/12/2007

الثلاثاء، 18 أغسطس 2009

قصة غرامنا

قصة حبنا

كل أما أبدأ أقول يا غرام
 أنا بختار بحر هواكي
جنبك هنا وتفوت أيام 
ما بيتغيرش مكاني
أنا حفضل أقول اني بحبك
 لو طال العمر ما بنساكي
لو قلبي هيعشق من بعدك
 والله ما يختار غيرك تاني

قصة غرامنا نسينا بيها 
عذاب ألامنا وبنبتديها
بأحلي كلمة وكل ليلة 
بقولها ليكي وبتعيديها 

أدي قلبي وإسأليه
 عن ماضي قبلك كان جراح
وأدي عيني بنظرة منك
 رجّعت ليها اللي راح
وأدي حلمي كان سراب 
لملمته لما قلبي داب
جنبك هنا حبيت حياتي 
والضحكة رجعت بعد غياب

قصة غرامنا نسينا بيها 
عذاب ألامنا وبنبتديها
بأحلي كلمة وكل ليلة 
بقولها ليكي وبتعيديها

مع كل نظرة وهمسة بينا 
بحس اني لفوق بطير
بطير لفوق عند النجوم 
أنسي الهموم وده مش كتير
لو قولت عنك كلام وأعيد 
صعب أوصف قد ايه
حبيتك انتي ومن بعيد 
جيتلك ماليني حب كبير

قصة غرامنا نسينا بيها 
عذاب ألامنا وبنبتديها
بأحلي كلمة وكل ليلة 
بقولها ليكي وبتعيديها

========= 
" كتبت بتاريخ"

17/2/2008


NaBiL THaBeT

الأحد، 9 أغسطس 2009

مات فيا الأمل

مات فيا الأمل ولا داري إيه العمل
 
 كان عندي أمل إني أكون لِك
وأبقى ليكي نعيش سوا
حاربت الدنيا بحالها وقفت قصادها
وبيكي كنت أنا أقوى 
 وأدي سنين فاتت
أحلامي ماتت
وإنتي وهم كبير أنا عيشته

مات فيا الأمل 
ولا داري إيه العمل 
أحلامي خدها الهوا 

واخداني الدنيا للتوهان
عايش عذاب أشكال وألوان 
وحبيبتي باعت اللي كان
أهرب أنا على فين
أروح وأجي منين
من ظلم ناس خاينين
مات فيا الأمل 

لو قادر قلبي يتحمل
جراحك مش هيتحمل
جراح الدنيا وجراحك
لو فاكر ليكي ذكرى
صدقيني بكرة ينسى
مش صعب نسيانك

إنتي زيك زي غيرك
حِبي بعدي أنا مش هلومك
مش كتير وهيجي يومك
هتعيشي عذاب أنا عيشته
وتحبي فاكرة إنه هيبقى
حبيبك لا 
قوام الدنيا دي هتاخده

طبع فيكي وطبع فيها
الغدر وجراح بنداويها
يا قلبي عيش من غير حبيبتك
هي والدنيا باعوا حلمك

واخداني الدنيا للتوهان
عايش عذاب أشكال وألوان 
وحبيبتي باعت اللي كان
أهرب أنا على فين
أروح وأجي منين
من ظلم ناس خاينين
مات فيا الأمل 


كلمات / نبيل ثابت 

كتبت بتاريخ
" 31/12/2007"

الخميس، 23 يوليو 2009

سكة سفر



مسافر بعيد

مسافر بعيد ومش عارف .. 
راجع أنا ولا مش راجع ؟
مسافر لفين مش عارف .. 
هوصل أنا ولا هعيش تايه ؟

وسط الدروب قابلت ناس .. 
حلمهم كان حلمي لكن
بعد الرحيل في البعد عاشوا .. 
ولما فات العمر ماتوا .. وإتنسوا

وياخوفي من أخر الطريق .. 
حلمي يتوه وأرجع غريق
بعد أما أكون .. خلاص بقيت .. 
أنا في التراب

أدي اللي عيشت أبنيه خلاص .. ما بقاش يفيد
وأدي الحياة فارقتها روحي .. مسافر بعيد

وأدي اللي عيشت أحبهم .. أدي الصحاب 

شايلني فوق علي كتفهم .. في لحظة وداع

ودموع عيونهم .. جوه منهم .. حيرانين
إزاي يعدي العمر فجأة .. وينتهي 
والجاي موت

سكة سفر .. مالهاش رجوع 
طفوا الشموع .. وبلاش دموع
مفيش رجوع

ولا عادش تاني فيه لقا .. كلو اختفي
والبسمة راحت من الشفايف .. والكل عارف
إن السفر مكتوب .. إن الفراق مكتوب


لكن بننسي كل شيء .. حتي القدر
وبنفتكر أغلي الحبايب .. بالصور


تنزل دموع علي ناس كتير .. منهم أنا
لكن يومين .. شهرين .. سنة .. كلو اتنسى
واللي بيفضل مننا ذكري .. وبرضو بتتنسى

========

الشاعر الغنائي
نبيل ثابت
2009

الثلاثاء، 21 أبريل 2009

لحظة خيانة





لحظة خيانة


*-*-*-*

بحاول أنسى أصعب لحظة فى حياتى
لما سيبتك تضيعى منى وماجاش فى بالى
إن النهاية فى اللحظة دي كانت
وكل حاجة جميلة بينا وإنهارت

مش جاى أدافع عن نفسى أو أقولك تسامحينى
غلطت غلطة كبيرة وكان قدام عينيكى
شوفتينى بعينيكى وأنا فى لحظة خيانة
أرجوكى ماتبكيش ماعدش بينا حاجة

يا أغلى الناس عليا حاولى تنسينى
دموعك أنا خاين ما أستاهلها بتقتلينى
بنظرة من عينيكى ليا بفتكر ضعفى
فى الخيانة غرقت غرقت من ضعفى

*-*-*-*
NaBiL THaBeT

السبت، 11 أبريل 2009

شيء فيا انكسر


قلب مكسور

شيء فيا إنكسر .. عمرى راح وإنهدر
راضي بحكم القدر .. راضي وبإيدي إيه

حلمي اللي حلمت بيه .. وعشت العمر ليه
ضاع مني مش لاقيه .. وكإنه كان سراب
حبيبي عشقته راح .. سابلي بعده الجراح
وإزاى أنا هرتاح .. واللي باقيلي عذاب

شيء فيا إنكسر .. عمرى راح وإنهدر
راضي بحكم القدر .. راضي وبإيدي إيه

أنا عايش بعده مش قادر .. ناسي لا دايما فاكر
الصبر عندي جاب أخر .. أخر كلام أنا مش هنساه

أنساه ازاي وأعيش .. أيامه ماتتنسيش
ياعينيا ماتبكيش .. مش حضعف ولاحنهار
حبيبي عشقته راح .. سابلي بعده الجراح
وإزاي أنا هرتاح .. وانا عايش بعده فى نار

شيء فيا انكسر .. عمرى راح وانهدر
راضي بحكم القدر .. راضي وبإيدي إيه

*-*-*-*
 نبيل ثابت 

السبت، 4 أبريل 2009

قبل الغروب


قبل الغروب
======
قبل الغروب .. ياشمس ماترحلي .. العمر ماشي
واخد معاه أجمل سنين .. ويا عيون دمعي

نحب .. يفرقنا نصيب أقوي من الزمن
والقدر دايما جريء .. قادر أقوي قلب .. يكسره

هنتكلم .. ومهما الدموع توصف عذاب .. قوي
نعشق ندوب .. والسهر يعني جراح وألم

===========
كلمات / صديقي الشاعر الغنائي
محمد محمود

هنا اتنشرت ف اليوم السابع

الجمعة، 3 أبريل 2009

نظرة تحدي


نظرة تحدي

من غير ماتقصد جرحتني .. لأ كانت قاصدة
نظرتها بعد الكلمة .. أيوة النظرة شاهدة
نظرة تحدي .. معناها مش هتحب بعدي
نظرة تحدي .. فهمتها وكان صعب تعدي

أنا هكسر ضعفى بكبريائي
وبتحدي هقولها عادي
إني أعيش من غير هواكي
مش هموت لومش معاكي

لسه جاية سنين مابينا 
 أكيد هشوفك وتشوفيني
ساعتها مش هتشوفى ضعفى 
لوحاولتي ترجعيلي

مش هتلاقي رد .. هتلاقي مني صد
صدقيني اليوم ده جاي بجد

أنا هكسر ضعفى بكبريائي
وبتحدي هقولها عادي
إني أعيش من غير هواكي
مش هموت لومش معاكي

نظرة تحدي .. بكبريائي بقولها ليكي
خسرتي إنتي .. وضعت أنا من بين إيديكي




☺ نبيل ثابت ☺





الأكثر قراءة

مشاركة مميزة

روح الروح

ولما بقول وحشتيني  بقولها بقلبي وبعيني  وبتحسي اللي جوايا  غرامي ليكي وبيكبر  ولما بقول أنا بحبك  بحس النبض في قلبك تزيد دقاته واللهفة تبان ...