الجمعة، 3 أبريل، 2009

نظرة تحدي




نظرة تحدي


**-**-**-**


من غير ماتقصد جرحتني ... لا كانت قاصدة
نظرتها بعد الكلمة.... أيوة النظرة شاهدة
نظرة تحدي.... معناها مش هتحب بعدي
نظرة تحدي .... فهمتها وكان صعب تعدي

أنا هكسر ضعفى بكبريائي
وبتحدي هقولها عادي
إني أعيش من غير هواكي
مش هموت لومش معاكي

لسه جاية سنين مابينا .. أكيد هشوفك وتشوفيني
ساعتها مش هتشوفى ضعفى .. لوحاولتي ترجعيلي
مش هتلاقي رد .... هتلاقي مني صد
صدقيني اليوم ده جاي بجد

أنا هكسر ضعفى بكبريائي
وبتحدي هقولها عادي
إني أعيش من غير هواكي
مش هموت لومش معاكي

نظرة تحدي .... بكبريائي بقولها ليكي
خسرتي إنتي .... وضعت أنا من بين ايديكي


**-**-**-**-**-**-**-**-**-**-**

☺ نبيل ثابت ☺





إجمالي مرات مشاهدة الصفحة