الأحد، 7 فبراير 2010

هتسافر


هتسافر


هتسافر وتغيب سنين .. هتسافر وتسيبني لمين
يا حبيب حياتي حياتي بعدك ايه
يا حبيب حياتي سايبني ونسيت ليه
نسيت حياتنا نسيت ماضينا وبتفكر
مين اللي بتحبه ومين بيحبك أكتر


أنا أكيد مش ف اختيارك
مع اني عاشق قلبي اختارك
وانت اخترت حبيب .. وحبيبك
كان أنا .. أنا كنت حبيبك


انت يا حب حياتي وضاع
انت يا جرح ف قلبي وداع
انت نسيت أيامي معاك
وأنا ما نسيتش ان أنا بهواك


هتسافر وأنا مش وياك
والدنيا بعدي لفين واخداك
انت يا حلم حياتي .. الحلم
خدته مني وسيبت هلاك


لو فاكر هتسافر وتسيبني وحيد
صدقني تبقي غلطان أكيد
أنا بعد منك انا مش ضايع
أنا بعد جرحي بحب جديد


كتب بتاريخ

3/9/2009


نبيل ثابت

إجمالي مرات مشاهدة الصفحة