الأحد، 7 أغسطس 2011

نهايتنا ضعف

نهايتنا ضعف وبعده جاي الموت
مين فينا ما حلمش .. وحلمه ضاع
مين فينا ما انجرحش .. وجرحه طال


مكتوبنا نكبر والسنين تفوت
ويجي غيرنا ونبقى ذكرى تموت
نهايتنا ضعف ، وبعده جاي الموت


طب ليه نفكر في بكرة 
وبكرة في علم الغيب
ليه ما نعيش يوم بيوم 
قبل ما شمسنا تغيب

وطول ما ربنا موجود هندعيه
ينور طريقنا ويقربنا ليه

والشيطان ولا يقدر يقرب خطوة لينا

طول ما ربنا في قلوبنا بيهدينا

ومن النهاردة كلمة واحدة هنقولها

يارب .. ولا كلمة غيرها


قوي إيمانك صلِّ على المختار
هو الشفيع في يوم عذابه نار

عود لسانك ما يقولش غير الصدق

استعين بالله يظهر من الضلال الحق
إصفح وسامح البشر يغفر لك الغفار
ولو ذنوبك جبال ، ربك كريم رحمن



كتبت بتاريخ 
29/7/2011

الكلمات  
نبيل ثابتمحمد الصعيدي

الأكثر قراءة

مشاركة مميزة

روح الروح

ولما بقول وحشتيني  بقولها بقلبي وبعيني  وبتحسي اللي جوايا  غرامي ليكي وبيكبر  ولما بقول أنا بحبك  بحس النبض في قلبك تزيد دقاته واللهفة تبان ...