الثلاثاء، 29 نوفمبر، 2011

زمـــــانــا إتــغــيــر


زمـــــانــا إتــغــيــر

ولسه كل ما نعيش ياما هنشوف
هنلاقي الأمان بيضيع ونحس بالخوف

وتنام الأحلام .. تصحى الأهات
ونقول كلام .. نسمع سكات
ولا حد حاسس باللي تاعبنا
هو زمانا إتغير ؟!
ولا إحنا جرالنا إيه ؟!

الكدب بقى على كل لسان
والطيب ما بقاش له مكان
والحضن الدافي راح منه الحنان
ولا حد حاسس بالأمان
هو زمانا إتغير ؟!
ولا إحنا جرالنا إيه ؟!

إمشي في كل طريق .. ودور ع الحبايب
هم فين دلوقتي .. خلاص الكل غايب
دور بين العيون .. دور على قلب دايب
هتلاقي قلوب بتخون .. أوفى الحبايب خاين
هو زمانا إتغير ؟!
ولا إحنا جرالنا إيه ؟!

كتبت بتاريخ
29/6/2007
من خزينة زكريات
NaBiL THaBeT

الأربعاء، 9 نوفمبر، 2011

هعلى لوحدي

هعـلـى لوحــدي

مش عايز حد يقولي مالك
إهدى وإتحمل ألامك
مالكوا بيا يا ناس سيبوني
كل واحد فيكوا خاين

الوشوش غير القلوب
حتى لما جيت أدوب
كدب حبيبي وبتلوموني
حقيقته عكس اللي باين

أنا دلوقتي بس بفوق .. من وهم عشته سنين
هعلى لوحدي فوق .. وهسيبكم غرقانين
مهما مديتوا أيادي .. قصادي مش هلمس إيدين
مهما قربتوا أعادي .. من بلادي مطرودين

الظلم لما يزيد بيقتل كل شيء جواك بريء
صوت صرختك إيه بس يعمل وسط موج بحره غريق
وغاب نهار العدل صار الليل غميق
أنا من الليلة ظالم .. لو هبات من المظلومين
أنا دلوقتي بس بفوق .. من وهم عشته سنين
هعلى لوحدي فوق .. وهسيبكم غرقانين
مهما مديتوا أيادي .. قصادي مش هلمس إيدين
مهما قربتوا أعادي .. من بلادي مطرودين

الخداع عندكوا بالساهل
ولا حد فيكوا يستاهل
مالكوا بيا ليه بتلوموني
روحوا لوموا ع اللي خان

حمل من هنا بصوتي

كتبت بتاريخ
3/10/2011

Nabil Thabet

إجمالي مرات مشاهدة الصفحة