الأحد، 7 أغسطس، 2011

نهايتنا ضعف


نهايتنا ضعف

مين فينا ما حلمش .. وحلمو ضاع
مين فينا ما انجرحش .. وجرحو طال

مكتوبنا نكبر والسنين تفوت
ويجي غيرنا ونبقى زكرى تموت
نهايتنا ضعف .. وبعده جاي الموت

طب ليه نفكر في بكرة وبكرة في علم الغيب
ليه ما نعيش يوم بيوم قبل ما شمسنا تغيب


وطول ما ربنا موجود هندعيه
ينور طريقنا ويقربنا ليه

والشيطان ولا يقدر يقرب خطوة لينا

طول ما ربنا في قلوبنا بيهدينا

ومن النهاردة كلمة واحدة هنقولها

يارب .. ولا كلمة غيرها

قوي إيمانك صلي علي المختار
هو الشفيع في يوم عذابو نار

عود لسانك ما يقولش غير الحق

استعين بالله يظهر من الضلال الحق
إصفح وسامح البشر يغفر لك الغفار
ولو ذنوبك جبال .. ربك كريم رحمن


كتبت بتاريخ 29/7/2011

الكلمات / نبيل ثابتمحمد الصعيدي

إجمالي مرات مشاهدة الصفحة