الخميس، 20 ديسمبر 2012

اتخيل


اتـخـيــل


اتخيل .. إن إيديك في إيديا
وفرحة حبك جوة عينيا 
إيه أجمل من كده يا حبيبي
حلوة الدنيا 

اتخيل .. لو ما كوناش اتقابلنا
كان الحزن هيبقي صاحبنا
إيه أصعب من كده يا حبيبي 
صعبة الدنيا 

حلوة الدنيا مادام مع بعض 
صعبة الدنيا كتير في البعد
بين قربك وبعادك عني 
مسافة وفرق السما من الأرض

اطمن .. قلبي لما ندهت عليه 
ده أنا قلبي روحك عايشة فيه 
كان ليه نتفارق يا حبيبي 
تعبت قلوبنا

مطمن .. طول ما انت معايا 
وهخاف من إيه ده انت منايا 
أتعب ألاقيك واقف جنبي 
ربي ما يبعدنا 

حلوة الدنيا مادام مع بعض 
صعبة الدنيا كتير في البعد
بين قربك وبعادك عني 
مسافة وفرق السما من الأرض

كتبت بتاريخ 
17/12/2012

NaBiL THaBeT

الأحد، 9 ديسمبر 2012

قولوله


سألتوه عني وأنكر قال ما أعرفش
إسمي ولا فاكر ده بجد ما بيهزرش
طب كان بيكتب إيه في أول كل جواب
لأ كده يبقي بيكدب وأنا ليا معاه حساب 

وقولوله اللي إنت نسيته نسيك
قطع صورك كل رسايلك
حتى كلامك في الجوابات
يعني خلاص بالنسبه له حبك مات

شاف مع غيرك حنية ما شافهاش وياك
حب حقيقي مش سيطرة ولا إمتلاك
وقولوله وإنت ماشي سد الباب وراك

زيه زي غيره قدرته وما قدرش
لا الطيبة بتنفع والأسهل عنده بيغش
طب يعني جزائي إني أمنت لخاين 
ما هو من أول يوم ما عرفته أخره باين

وقولوله اللي إنت نسيته نسيك
قطع صورك كل رسايلك
حتى كلامك في الجوابات
يعني خلاص بالنسبه له حبك مات

شاف مع غيرك حنية ما شافهاش وياك
حب حقيقي مش سيطرة ولا إمتلاك
وقولوله وإنت ماشي سد الباب وراك

 
كتبت بتاريخ
4/12/2012

NaBiL THaBeT

 

الأربعاء، 10 أكتوبر 2012

من حقك

من حقك تبطي بدموع وتقفلي باب الرجوع


من حقك تبكي بدموع .. وتقفلي باب الرجوع

لا ليا حق في عتابك ولا حسابك خلاص

دي نهاية كل شيء .. عادي تايهين في طريق 

نجاتنا منه وداع وداع يا أغلي الناس 

 

هو ده الحل اللي عندك ؟

وحلولي مرفوضة بعندك

خلاص يا حبيبتي بنفارق .. ياريت فارق 

شوية عذاب .. وبعده عذاب .. مالوش أخر 


من حقك تقولي ده ذنبك .. أيوة ذنبي إني بحبك 

بعترفلك إني غلطت ضعفت وعشقتك

قدمت كل حاجة لقلبك .. مفيش تقدير زي اللي قبلك 

بنفس الطريقة فارقني أنا مش حبيبتك


هو ده الحل اللي عندك ؟

وحلولي مرفوضة بعندك

خلاص يا حبيبتي بنفارق .. ياريت فارق 

شوية عذاب .. وبعده عذاب .. مالوش أخر 

 

كتبت بتاريخ 

6/5/2012

 

°l||l°نبيل ثابت°l||l° 





السبت، 1 سبتمبر 2012

رتبتي كل حاجة

رتبتي كل حاجة 

رتبتي كل حاجة وما نسيتيش الدمعتين
علشان تمثلي دور القلب الحزين 
وتوهميني إن الفراق مالناش غيره بديل 
عايزاني أقولك قلبك بجد جميل 

إديتلك كتير ما خدتش غير قليل 
وحلمت بالنهار عيشتيني العمر ليل 

كنت بقابل بعدك عني بقرب 
مشاعرك بتتغير تشوفي مني حب 
طب إسمحيلي إني أسألك إنتي عندك قلب 
ما ترديش قلبك ده مات من الكدب 

إديتلك كتير ما خدتش غير قليل 
وحلمت بالنهار عيشتيني العمر ليل 

كانت الحياة قدام عينيكي ضيعتيها 
أديلك فرصة تانية حرام تعيشيها
رتبتي كل حاجة لكنك نسيتي 
إنك بعد مني هتكوني إتنسيتي 

إديتلك كتير ما خدتش غير قليل 
وحلمت بالنهار عيشتيني العمر ليل


كتبت بتاريخ
10/5/2007

NaBiL THaBeT

 

 


الاثنين، 16 يوليو 2012

هــــــواك


هـــــواك


هواك لو كان حب عادي
كان إيه خلاني
أفتكرو للدرجة دي

قال وأنا أخبي عليك 
قال إيه وأعمل ناسيك
ومفيش فايدة معاك يا قلبي 
 مهما داريت يبان في عينيك

ليه بتهرب حاول تقرب
واللي إنت عارفو مجرب
يعني الجرح ساعات يطول
نتوب ونرجع تاني نقرب

هواك لو كان حب عادي 
كان إيه خلاني
أفتكرو للدرجة دي

عارف .. لو قابلت حد غيرك
بلاقي فيه ملامحك
ما قدرتش يوم أحب بعدك
مستني يوم فرحي فرحك

ما قدرتش في يوم أحب حد تاني بعدك
عشان حاجة واحدة لسه روحك عايشة فيا

ده هواك لو كان حب عادي
كان إيه خلاني 
أفتكرو للدرجة دي

كلمات / فارس الرومانسية
لحن وغناء / خطاط الغرام


NaBiL THaBeT


الثلاثاء، 3 يوليو 2012

ما تستغربش






ما تستغربش

ما تستغربش إني بقولهالك
ما تستغربش إني بعيشهالك
حيـــــــــــاتـــــــــــــــي

جوايا حب ما جاش في بالك
وشاغل بالي بيك

وقدرت أخبي أنا كام سنة
وإنت زي ما إنت وأنا
دايب والبعد عليه قادر 
ولا همك قلبي وأنا عارف

وببص للي فات وأقول عادي
مادام عشتو وجه علي الفاضي
عشان معاك بحس إن الماضي كإنو ما كان

ما تستغربش إني بقولهالك
ما تستغربش إني بعيشهالك
حيـــــــــــاتـــــــــــــــي

كلمات
فارس الرومانسية محمد الصعيدي

لحن وغناء 
خطاط الغرام نبيل ثابت


الأربعاء، 25 أبريل 2012

حبك في قلبي عايش


حبك في قلبي عايش وليك أعيش

حبك في قلبي عايش وليك أعيش
نظرتك إبتسامتك دي لحظة ما تنتهيش
قلبي بيدق دقة بيقولك ما تسيبنيش
وجودك جنبي بيطمني بيقولي ما تخافيش

خليك جنبي حبيبي
محتاجة أنا حبيبي
مفيش غيرك حبيبي
قلبي هوى
ماليش عنك غنى
تعالي نقول غنا
حبك إنت وأنا 
فاق المدي 

حبك في قلبي عايش من يومين
عشقتك عشق مش عادي عشق السنين
سحرني كلام عينيك من نظرتين
جيتلك بقلب دايب من الحنين

خليك جنبي حبيبي 
محتاجة أنا حبيبي 
مفيش غيرك حبيبي 
قلبي هوى
ماليش عنك غنى
تعالى نقول غنا
حبك إنتي وأنا 
فاق المدي

كتبت بتاريخ
23/4/2012


كلمات
ضي القمر & خطاط الغرام

اضعفي



ملعون الحب لو يذل

إضعفي وإذي نفسك وكملي 
ولما تاني هيخدعك إبقي إندمي 

وإوعدي قلبك تملي بالعذاب خليه يموت
بإيديكي إنتي مش  بإيد اللي خدع  لو كان له صوت
كان صرخ فيكي وبكي .. منك شكى لعقلك

ملعون الحب ملعون لو يذل
ضعيفة إنتي ضعيفة بتحبي ندل 
إبعتي له رسالة في رسالة .. إستني بالأيام

هو اللي بيبيع يشتري ده إسمه غباء
لو بالطريقة دي تفكري مفيش كبرياء
وده أغلي شيء عندك بيعيه .. بإسم الغرام

إضعفي أكتر كمان إضعفي وفرحيه
بالدموع هيفرح قوي وإندهيه
لو رد هيكون رده جرح جديد

خلصت كل كلامي حاولي تستوعبيه
كام واحدة عاشت تجربة ماضي إنسيه
ده الفرح بعد الحزن والله مش بعيد

ملعون الحب ملعون لو يذل
ضعيفة إنتي ضعيفة بتحبي ندل 
إبعتي له رسالة في رسالة .. إستني بالأيام

هو اللي بيبيع يشتري .. ده إسمه غباء
لو بالطريقة دي تفكري .. مفيش كبرياء
وده أغلي شيء عندك بيعيه .. بإسم الغرام

كتبت بتاريخ 
19/4/2012


NaBiL THaBeT

الأحد، 11 مارس 2012

عايزاني أحبها

عايزاني أحبها أكتر من حبها ليا

عايزاني أحبها أكتر من حبها ليا
ودي تيجي إزاي دي خدت كل الحنية
وبقيت مشغول .. بيها علي طول
يخلص كلامنا نعيده تاني .. أقول وتقول

بَحِبَّك .. لأ أنا أكتر
وحُبِّك .. تملي بيكبر
قَلبِك .. جنبه قلبي صغير
إختَرتِك .. مستحيل أغيَّر

عايزاني أكون لها وحدها ده كلام يتقال
ده أنا ليل ونهار بحايل فيها وأقول يا وصال
وتعاند فيا تعاند .. يعني محال
ووراكي وراكي أنا مش سايبك .. بقيت رحال

بَحِبَّك .. لأ أنا أكتر
وحُبِّك .. تملي بيكبر
قَلبِك .. جنبه قلبي صغير
إختَرتِك .. مستحيل أغيَّر

بتعاني .. من حكاية والتانية قبل مني
ما انا زي منك جاي بجراح بتقتلني
بنداوي بعض .. ومش غريبة بنشبه بعض
بقينا روحين دايبين سوا .. في حضن بعض


كتبت بتاريخ
29\1\2012

خطاط الغرام & ضي القمر

 
NabiL THaBeT




الاثنين، 23 يناير 2012

للخيانة صوت


للخيانة صوت

المرة دي سايبك .. إبكي بدموع
مش حتأثر فيا .. لا .. إنسي الدموع
أه دي النهاية .. أخرك معايا .. أسوأ حاجة .. كدب وخيانة
عكس اللي اتواعدنا عليه

مش كل مرة تعيدي نفس الغلطة وأسامح
سامحت مرة إتنين تلاتة شيء جارح
طب يرضي مين الوضع ده يرضي مين

ما تخافيش .. كإني يوم ما عرفتكيش .. ما شوفتكيش 
ولا هحكي شيء .. إتنين وسابوا بعض تاهوا في الطريق 
وده عادي جدا أه بيحصل إيه العجيب ؟!

مش كل مرة تعيدي نفس الغلطة وأسامح
سامحت مرة إتنين تلاتة شيء جارح
طب يرضي مين الوضع ده يرضي مين

أول كلام بينا ما يبعدنا عن بعض غير الموت
صونتك وفيت .. أسف لقيت .. للخيانة صوت
عنوانها عنوانك .. في صوتك وأنفاسك

فوضت فيكي أمري لربي .. منك لله
منك لله
منك لله


كتبت بتاريخ
7/1/2012

NaBiL THaBeT



بحروف إسمك

بحروف إسمك

ﺑﺤﺮﻭﻑ ﺍﻟﻬﺠﺎﺀ ﻛﺘﺒﺖ ﻟﻚ ﺷﻌﺮﺁ ﻳﻌﺰﻑ
ﺃﻭﺗﺎﺭﺁ ﺗﻄﺮﺏ ﺃﺫﻧﺂ ﻳﺨﻔﻖ ﻗﻠﺒﺂ ﻓﻴﻨﺒﺾ ﺣﺒﺂ
ﻓﺄﺳﻤﻊ ﻛﻠﻤﺎﺗﻲ

ﻓﺎﻟﻨﻮﻥ ﻧﺒﻞ ﺍﻻﺧﻼﻗﻲ ﻭﺷﻴﻤﺘﻬﺎ ﻋﻨﺪ ﺍﻟﺮﺟﺎﻟﻲ
ﻭﻟﻜﻦ ﻟﻴﺲ ﻛﻞ ﺭﺟﻶ ﻧﺒﻴﻞ ﻭﻟﻜﻦ ﻧﺒﻴﻞ ﻓﻮﻕ
ﺍﻟﺮﺟﺎﻟﻲ

ﻭﺍﻟﺒﺎﺀ ﺑﻠﺒﻞ ﻳﻐﻨﻲ ﻓﻮﻕ ﺃﻋﺎﻟﻲ ﺍﻷﺷﺠﺎﺭﻱ
ﻓﻴﺄﺳﺮ ﻗﻠﻮﺑﺂ ﺑﺼﻮﺗﻪ ﻳﻨﺎﺩﻱ ﺍﻟﻌﺎﺷﻘﻴﻦ ﺑﺄﺳﻤﻪ
ﺗﺄﺗﻲ ﻟﻪ ﻣﻦ ﺟﻤﻴﻊ ﺍﻻﻭﻃﺎﻧﻲ.

وﺍﻟﻴﺎﺀ ﻳﺪ ﺗﻤﺴﻚ ﺑﺤﺒﻴﺒﻪ ﺗﻮﺍﻋﺪﻩ ﺑﺎﻟﺒﻘﺎﺋﻲ

ﻭﺍﻟﻼﻡ ﻟﻴﻞ ﻳﺄﺗﻲ ﺑﻘﻤﺮﻩ ﻳﺤﻜﻲ ﻟﻠﻌﺎﺷﻘﻴﻦ ﺣﺒﻪ
ﻋﺒﺮﺓ ﻭﻳﻮﺍﺳﻲ ﺣﺒﻴﺒﺂ ﻓﺮﺍﻗﻪ ﺣﺒﻪ ﻭ ﻳﺴﺘﻘﺒﻞ
ﺣﺒﺂ ﻓﻲ ﺑﺪﺍﻳﺔ ﻣﻮﻟﺪﻩ
 
ﻓﺄﺟﻤﻊ ﺣﺮﻭﻓﻲ ﺳﺘﺠﺪﻫﺎ ﺃﺳﻤﺂ ﻣﻨﻴﺮﺁ ﻓﻮﻕ
ﺟﻤﻴﻊ ﻛﺘﺎﺑﺎﺗﻲ ﺑﻤﻌﺎﻧﻲ ﺣﺮﻭﻓﻬﺎ ﻧﺴﺠﺖ
ﺷﻌﺮﺁ ﻳﻔﻮﻕ ﻛﻞ ﻛﻠﻤﺎﺗﻲ ﺣﺒﺂ ﻭﺗﺨﻠﻴﺪﺁ
ﻟﺬﻛﺮﺍﺗﻲ .

بقلم / ضي القمر

كتبت بتاريخ
10/1/2012


الأكثر قراءة

مشاركة مميزة

روح الروح

ولما بقول وحشتيني  بقولها بقلبي وبعيني  وبتحسي اللي جوايا  غرامي ليكي وبيكبر  ولما بقول أنا بحبك  بحس النبض في قلبك تزيد دقاته واللهفة تبان ...