الأربعاء، 25 أبريل 2012

حبك في قلبي عايش

حبك في قلبي عايش






حبك في قلبي عايش وليك أعيش
نظرتك إبتسامتك دي لحظة ما تنتهيش
قلبي بيدق دقة بيقولك ما تسيبنيش
وجودك جنبي بيطمني بيقولي ما تخافيش

خليك جنبي حبيبي
محتاجة أنا حبيبي
مفيش غيرك حبيبي
قلبي هوى
ماليش عنك غنى
تعالي نقول غنا
حبك إنت وأنا 
فاق المدي 

حبك في قلبي عايش من يومين
عشقتك عشق مش عادي عشق السنين
سحرني كلام عينيكي من نظرتين
جيتلك بقلب دايب من الحنين

خليكي جنبي حبيبتي 
محتاج أنا حبيبتي 
مفيش غيرك حبيبتي 
قلبي هوى
ماليش عنك غنى
تعالي نقول غنا
حبك إنتي وأنا 
فاق المدي

كتبت بتاريخ
23/4/2012


كلمات
ضي القمر & خطاط الغرام

اضعفي

اضــعـــفـــي


اضعفي .. وإذي نفسك وكملي 
ولما تاني هيخدعك .. ابقي اندمي 

وإوعدي قلبك تملي بالعذاب .. خليه يموت
بإيديكي إنتي مش  بإيد اللي خدع .. لو كان ليه صوت
كان صرخ فيكي .. وبكي .. منك شكي .. لعقلك

ملعون .. الحب ملعون .. لو يذل
ضعيفة إنتي ضعيفة .. بتحبي ندل 
إبعتي له رسالة في رسالة .. إستني بالأيام

هو اللي بيبيع يشتري .. ده إسمه غباء
لو بالطريقة دي تفكري .. مفيش كبرياء
وده أغلي شيء عندك بيعيه .. بإسم الغرام

إضعفي .. أكتر كمان إضعفي .. وفرحيه
بالدموع .. هيفرح قوي .. وإندهيه
لو رد هيكون رده .. جرح جديد

خلصت كل كلامي .. حاولي تستوعبيه
كام واحدة عاشت تجربة .. ماضي إنسيه
ده الفرح بعد الحزن .. والله مش بعيد

ملعون .. الحب ملعون .. لو يذل
ضعيفة إنتي ضعيفة .. بتحبي ندل 
إبعتي له رسالة في رسالة .. إستني بالأيام

هو اللي بيبيع يشتري .. ده إسمه غباء
لو بالطريقة دي تفكري .. مفيش كبرياء
وده أغلي شيء عندك بيعيه .. بإسم الغرام

كتبت بتاريخ 
19/4/2012


NaBiL THaBeT

إجمالي مرات مشاهدة الصفحة