فـــاكـــــــر
فاكر اول نظرة عين .. لما عينيا جت ف عينيها
فاكر أول لمسة إيد .. لما إيديا لمست إيديها
فاكر أول كلمة اتقالت .. أيوة بحبك ليا أنا قالت
خلت قلبي في ثانية يميل .. غنى وقال يا عيني يا ليل
أنا فاكر لسه لإني بعيشه معاها يوماتي
نفس الحب بقاله سنين جُوًة حياتي
عمالة بتزيد الأشواق مع دقاتي
دقات قلبها ليا بتهمس إنت حياتي
فاكر أول مرة خصام .. قعدت تشكي وأصالح فيها
لما مشيت وقولت سلام .. ندهت ليا بحزن ماليها
فاكر أنا بصيت ف عينيها .. لقيتها بتبكي رجعت ليها
ما أقدرش عنها ف يوم أستغنى .. وليها بغني أجمل غنى
أنا فاكر لسه لإني بعيشه معاها يوماتي
نفس الحب بقاله سنين جُوًة حياتي
عمالة بتزيد الأشواق مع دقاتي
دقات قلبها ليا بتهمس إنت حياتي
كتبت بتاريخ
26/11/2013
ṆĂḆḭⱢ ṪḤĂḆΣṪ
ليست هناك تعليقات:
إرسال تعليق