الثلاثاء، 27 يناير 2015

كل الحبايب


كل الحبايب هنا .. ماشيين إيدين في إيدين

كل الحبايب هنا .. ماشيين إيدين في إيدين
ولوحدي ماشي أنا .. وحبيبتي راحـت فين

فين إنتي ليه فايتاني 
مين غيري خد مكاني 
جاوبيني لو سامعاني 
وما تعمليش ناسياني 

كل الحبايب هنا .. شاهدين على اللي كــان 
بينك وبيني أنا .. فاكرة اللي كان زمـــان ؟

مين للغرام ينسى 
قلبه قوام يقسى
وأنا اللي أه لسه
بهواه ومش بنسى

كل الحبايب هنا .. سألوا نفس السـؤال 
ليه دايما كده .. الحب بينكوا محــــــال

محال هوانا يعيش 
نوعد وما نوفيش 
بتقولي ما تلومنيش 
ألومك .. ما تستاهليش

كتبت بتاريخ
25/3/2008

NaBiL THaBeT

الثلاثاء، 6 يناير 2015

أوهام


إنتي اللي قولتي خلاص .. ودي قمة الإخلاص

بقى بعد ما قلبي هواكي .. جاية تقوليلي أوهام
ده أنا كنت بعيش معاكي .. أحلى ليالي الغرام

ما خلفتش أي وعد .. وعدتك من البداية 
ماتسيبش إيدينا بعض .. وما قولتش النهاية 

إنتي اللي قولتي خلاص 
ودي قمة الإخلاص

أوهام .. حبنا بالنسبة ليكي كان أوهام
 حرام .. جنيت عليكي بحبي أه يا حرام
 سلام .. أخرتها كلمتين وسلام سلام 

بقى بعد الحب ده .. وحكاوي الناس علينا 
تبقى النهاية كده .. ضاع الحب بإيدينا 

فكرتي إزاي في البعد .. هتعيشي بعدي عادي 
وهيبقى مكاني حد .. وأنا هبقى ذكرى وماضي 

إنتي اللي قولتي خلاص 
ودي قمة الإخلاص 

أوهام .. حبنا بالنسبة ليكي كان أوهام
 حرام .. جنيت عليكي بحبي أه يا حرام 
 سلام .. أخرتها كلمتين وسلام سلام

كتبت بتاريخ 
8/5/2014

NaBiL THaBeT

الأكثر قراءة

مشاركة مميزة

روح الروح

ولما بقول وحشتيني  بقولها بقلبي وبعيني  وبتحسي اللي جوايا  غرامي ليكي وبيكبر  ولما بقول أنا بحبك  بحس النبض في قلبك تزيد دقاته واللهفة تبان ...