ودي فيها إيه ؟!

ودي فيها إيه ؟!

ودي فيها إيه .. شاريها .. قلبي حس بيها
وقال ليها .. هعيش .. حياتي
ودي فيها إيه .. حبيتها .. ندهت وروحت لها
لحد بيتها .. مفيش .. حد تاني في قلبي إلا إنتي

القلب دق وقال بحبك مرة ما يقولهاش إتنين
والعين قالتها كمان بنظرة وياه ع الحنين
سامع .. همس الشفايف .. يا حبيبتي شايف
العمر بيكي جميل

ودي فيها إيه .. لا مستحيل .. ولا صعب
أدي قلب داب في قلب .. جمعهم حب
ودي فيها إيه .. واخدها تحدي .. كل الظروف هتعدي
وأخدك بيدي .. وألف بيكي الكون

القلب دق وقال بحبك مرة ما يقولهاش إتنين
والعين قالتها كمان بنظرة وياه ع الحنين
سامع .. همس الشفايف .. يا حبيبتي شايف
العمر بيكي جميل

حمل من هنا بصوتي

كتبت بتاريخ
14/12/2011

NaBiL THaBeT

زمـــــانــا إتــغــيــر

ولسه كل ما نعيش ياما هنشوف 

هنلاقي الأمان بيضيع ونحس بالخوف

وتنام الأحلام .. تصحى الأهات 

ونقول كلام .. نسمع سكات 

ولا حد حاسس باللي تاعبنا 

هو زمانا إتغيّر ؟! 

ولا إحنا جرالنا إيه ؟! 

الكدب بقى على كل لسان

والطيب ما بقاش له مكان 

والحضن الدافي راح منه الحنان 

ولا حد حاسس بالأمان 

هو زمانا إتغيّر ؟! 

ولا إحنا جرالنا إيه ؟! 

إمشي في كل طريق .. ودور ع الحبايب 

هم فين دلوقتي .. خلاص الكل غايب 

دور بين العيون .. دور على قلب دايب 

هتلاقي قلوب بتخون .. أوفى الحبايب خاين 

هو زمانا إتغيّر ؟! 

ولا إحنا جرالنا إيه ؟! 

كتبت بتاريخ 

29/6/2007 

NaBiL THaBeT

هعلى لوحدي

مش عايز حد يقولي مالك
إهدى وإتحمل ألامك
مالكوا بيا يا ناس سيبوني
كل واحد فيكوا خاين

الوشوش غير القلوب
حتى لما جيت أدوب
كدب حبيبي وبتلوموني
حقيقته عكس اللي باين

أنا دلوقتي بس بفوق .. من وهم عشته سنين
هعلى لوحدي فوق .. وهسيبكم غرقانين
مهما مديتوا أيادي .. قصادي مش هلمس إيدين
مهما قربتوا أعادي .. من بلادي مطرودين

الظلم لما يزيد بيقتل كل شيء جواك بريء
صوت صرختك إيه بس يعمل وسط موج بحره غريق
وغاب نهار العدل صار الليل غميق
أنا من الليلة ظالم .. لو هبات من المظلومين

أنا دلوقتي بس بفوق .. من وهم عشته سنين
هعلى لوحدي فوق .. وهسيبكم غرقانين
مهما مديتوا أيادي .. قصادي مش هلمس إيدين
مهما قربتوا أعادي .. من بلادي مطرودين

الخداع عندكوا بالساهل
ولا حد فيكوا يستاهل
مالكوا بيا ليه بتلوموني
روحوا لوموا ع اللي خان



كتبت بتاريخ
3/10/2011

Nabil Thabet

جايز

جـــايــــــز

سيبتك .. يمكن يصحى ضميرك
سيبتك .. قلبي ما حبش غيرك
سيبتك .. يعني مفيش لقا تاني بعد اليوم

جايز .. بعدي ما يفرق شيء
جايز .. أمشي لوحدي طريق
جايز .. تشكي تقولي ده ظالم وأنا مظلوم

أنا موجوع عشانك .. مش عشاني
صعبان عليا أشوفك .. بتعاني
بكرة لو جالك بدون تغيير .. هيبقى مصير
حياتك يا حبيبتي عذاب
أكيد فيه حساب
وما أتمناش .. ليكي ده كلو يصير

أنا من قلبي بدعيلك بأحلى حياه
يا أغلى قلب حبيتو ومش حنساه
ده وعد وعدته أول يوم وبوفي بيه

جايز .. بعدي ما يفرق شيء
جايز .. أمشي لوحدي طريق
جايز .. تشكي تقولي ده ظالم وأنا مظلوم

سيبتك .. جايز يصحى ضميرك
سيبتك .. قلبي ما حبش غيرك
سيبتك .. يعني مفيش لقا تاني بعد اليوم

كتبت بتاريخ
21/10/2011

حمل من هنا بصوتي

NaBiL THaBeT

الخاينة والمسكين

الخاينة والمسكين

دي كانت بس كلمة بتقوليها وإنت كمان قولتها علشان ترضيها
بحبك كانت كدبة في عينيها وفي عينيك كانت خيانة بكل معانيها
بتخبي عنك الحقيقة .. وإنت كمان بتحاول تداريها
وتقول كلام غير اللي في قلبك .. مسكين قال بتحاول ترضيها
ما تعرفش إنك بترتب إزاي حتكسرها .. لعبة زهقت منها وحترميها
بعد أما توصل للي عايزه خلاص صحيح ما لكش حاجة تخاف عليها
ما تعرفش إن الدور عليك وهيتلعب بيك زي ما لعبت بيها

أما هي فدي واحدة خاينة .. وإحساسها مات من زمان
قلبها خلاص مفيش إخلاص .. والحب ما لوش في قلبها مكان
ضحيت عشانها بأغلى ما عندي .. وسلمتلها من غير ما أسألها .. قلبي
حبيتها من قلبي وكل كياني .. وأدي النهاية باعتني
باعت اللي كان بيحس الدنيا ملك إيديه لو في يوم سلمت عليه
نسيت كل اللي عمله عشانها زمان وما سألتش حتى نهايته إيه
صحيح ما هي زيها زيه .. مالهاش قلب تخاف عليه

بس مش لازم نبان يا قلبي ضعاف قدامهم
لازم نداري الدمع في عينينا والجرح اللي جوانا بسببهم
وبعدين مستني إيه تاني يا قلبي من واحدة خاينة
وصديق قال علي اللي ما بينا دي عشرة هاينة
ما خلاص أن الأوان وإتجمعوا الإتنين
عشان نتفرج يا قلبي علي نهاية الخاينة والمسكين
نهاية الخاينة والمسكين

كلمات صديقي/ محمد عبد الرحمن
لحن وغناء / نبيل ثابت

حمل من هنا بصوتيNaBiL THaBeT

ولا كان في بالي

ولا كان في بالي

ولا كان في بالي إني أعشق يوم .. وأدي يوم

وعشقت خلاص وبدوب وبدوب

جاني حبيبي الغالي .. وقلبي الخالي بقى مشغول

من أولها وليكي بقول .. بحبك بحبك بحبك على طول

إيه اللي إتغير فيا .. أنا وعينيا سهرنا الليل

واللي مأثر فينا .. حبيب ولا نعرف جالنا منين

فجأة بقينا عاشقين .. ياليلي يا عيني يا عيني يا ليل

خطفت قلبي في ثانية .. لقيتني بميل

وليها بغني .. بغني وأقول

بحبك بحبك بحبك على طول

أنا مستغرب حالي .. ده واحد تاني أنا إتغيرت

شايف كل الناس بعيون حلوين .. ده ياما إحترت

وراحت حيرتي أوام .. من شوق وغرام .. وليك سلمت

قلبي أمانة لقلبك .. خدني معاك .. معاك لبعيد

وأنا هعيدها .. هعيدها وأقول

بحبك بحبك بحبك علي طول

NaBiL THaBeT

نهايتنا ضعف

مين فينا ما حلمش .. وحلمه ضاع
مين فينا ما انجرحش .. وجرحه طال

مكتوبنا نكبر والسنين تفوت
ويجي غيرنا ونبقى ذكرى تموت
نهايتنا ضعف ، وبعده جاي الموت

طب ليه نفكر في بكرة 

وبكرة في علم الغيب
ليه ما نعيش يوم بيوم 

قبل ما شمسنا تغيب

وطول ما ربنا موجود هندعيه
ينور طريقنا ويقربنا ليه
والشيطان ولا يقدر يقرب خطوة لينا
طول ما ربنا في قلوبنا بيهدينا
ومن النهاردة كلمة واحدة هنقولها
يارب .. ولا كلمة غيرها

قوي إيمانك صلِّ على المختار
هو الشفيع في يوم عذابه نار
عود لسانك ما يقولش غير الصدق
استعين بالله يظهر من الضلال الحق
إصفح وسامح البشر يغفر لك الغفار
ولو ذنوبك جبال ، ربك كريم رحمن


كتبت بتاريخ 

29/7/2011

الكلمات  

نبيل ثابت & محمد الصعيدي

كاس الخيانة

مش غلطتك .. دي غلطتي  

إني قبلت أدخل حياتك وأعرفك

مش غلطتك .. دي غلطتي

وقبل ما أمشي أحب إني أعرّفك

بعينيا شايف أخرتك

من نفس كاسي حتشربي 

كاس الخيانة حتجربي

في الدنيا جايلك أكيد عقاب

عيشي زي ما عشت نار 

طفي فيها حتسيب أثار

طول حياتك قاسي من ويل العذاب

أستاهل اللي وصلت ليه قالوا وسكت

لأ وكنت بعيني شايف وكدِّبت

أنا ليه طاوعت وليه رضيت بالوضع ده

طيبة ولا دي سذاجة حرام تعبت 

من نفس كاسي حتشربي

كاس الخيانة حتجربي

في الدنيا جايلك أكيد عقاب

عيشي زي ما عشت نار

طفّي فيها حتسيب أثار

طول حياتك قاسي من ويل العذاب

كتبت بتاريخ

28/7/2011

NaBiL THaBeT

قلبي اتكلم

قلبي اتكلم

قلبي اتكلم .. من بعد ما حسيت بغرامك .. أنا مصمم

مش راجع غير وإنتي معايا .. معاكي مكمل

من الليلة مش هسكت تاني .. في حضنك هحلم

حبك صحى الشوق مشتاقلك قلبي تملي

ساكتة سنين من بعد سكوتك قلبك قال لي

أيوة بحبك حبك أغلى غالي فضل لي

قلبي اتكلم .. أحلى كلام يتقال بس أما أسمع همسك

تيجي العين في العين .. أسكت يتكلم سحرك

بيني وبينك إنتي أميرتي .. خليها في سرك

حبك صحى الشوق مشتاقلك قلبي تملي

ساكتة سنين من بعد سكوتك قلبك قال لي

أيوة بحبك حبك أغلى غالي فضل لي

كتبت بتاريخ

25/7/2011

NaBiL THaBeT

ما تقولش مات

ما تقولش مات

ما تقولش مات .. قلبي وقفلت حياتي بعدك .. لأ سكات
ما أسمعش كلمة .. الجاي ده هتشوف فيه حكايات

هتشوفني بعدك .. راضي بعدك .. وبعيش
ويا حبيب تاني .. بقى عشاني .. واللي عشانك جرح
وياويلك من اللي قولته عليا ظلم .. خد الأهم
الحسرة ليك .. وأنا اللي عايش مع حبيبي .. أنا في فرح

ما تقولش مات .. قلبي وقفلت حياتي بعدك .. لأ سكات
ما أسمعش كلمة .. الجاي ده هتشوف فيه حكايات

هتشوف حواليك حبايب متجمعين .. وإنت واقف ياعيني وحدك
بتنادي يمكن يسمعك .. قلبي .. لكن ناسي حسك
حتى شكلك ماهو شكلك .. إتغيرت كتير ملامحك
والنهاردة بقولها عاش .. قلبي .. وقلبك مات خسارة وإندفن

ما تقولش مات .. قلبي وقفلت حياتي بعدك .. لأ سكات
ما أسمعش كلمة .. أديني عايش في حكايات

حمل من هنا بصوتي

كتبت بتاريخ
20/10/2010
NaBiL THaBeT

تعرف

تعرف .. دي اللي تحبها أول ما تشوفها
تعرف .. دي اللي تميل لها من نظرة عينها
وأنا حبيتها
وياه ع الغرام
من غير كلام

تعرف .. أنا حبيت قبلها .. لكن قلبها أجمل
صافي بريء .. تحلم عمرك وياها يطول
جت ونادتني بكلمة .. بحبك .. صحت أشواقي
وأنا حبيتها
وياه ع الغرام
من أول كلام

تعرف .. إني قفلت الباب مش هعشق من تاني
ده اللي نويته .. بعد ما قلبها نادى وصحاني
عدت كل حواجز .. حاربت لأجل تحررني
وأنا حبيتها
وياه ع الغرام

من أول كلام

***********

كتبت بتاريخ
14/4/2011
NaBiL THaBeT

كدبة

 كـــــدبــــــــة

وأنا اللي قولت خلاص حبيت  

كان فيا جرح معاكي نسيت

وحلمت أنا بأيام أحلى  

أحلى ما فيها إنك كدبة

عيشتيني دور الحبيب  

وإنتي حبيبتي وليا طبيب

داويتي قلبي من الجراح  

وجرحي منك مين يداويه

علمتي قلبي معاني الحب 

أجمل معاني إزاي كان كدب

وأنا كنت إيه أنا في حياتك

حكاية منسية في حكاياتك

لو دي الحياة عندك منها  

حخرج وأسيبني من زيفها

مالكيش خلاص عندي أنا شافع

فبلاش تدافعي أنا مش سامع

يا حبيبتي عندي ما ليكي أعذار

ولا أسفة كلمة في إعتذار

أنا قلبي منك شاف ياما

فراقنا حتمي ولا ملامة 

كتبت بتاريخ

21/3/2011

NaBiL THaBeT

أسف

أنا للحياة دي جيت  

أحب ما اتحبيت
من حلمي فجأة صحيت 

على صوت كلمة وداع

جاني حبيبي بعد غياب 

واحشني قلبي في بعده داب
أتاريه سايبني أنا للعذاب  

كلامه معناه الضياع

أسف
أنا عارف إني كسرت فيك حلمك
كان نفسي أكون جنبك
ولا يوم أنا أسيبك
أسف
خليك فاكرني بكل خير بعدي
كان علي عيني بعدي
وداع وأنا حبيبك


لو جيت علي نفسك وكملت
وأنا فجأة جيت ووقفت
هتقول عليا ظلمت

أنا بس خايف أشوف عينيك تدمع
لو غيبت مش هرجع
إعتبرني حبيبي مُــــتْ

كتبت بتاريخ
11/3/2011
NaBiL THaBeT

حمل من هنا بصوتي

شايفك بتتعذب

شايفــك بتتعـــذب

شايفك بتتعذب .. وإنت شايف كل شيء منك بيضيع
مرة صاحب .. مرة حبيب
وكل يوم في جرح جديد
حتى حلمك في الحياه .. أدي منتهاه

وياعيني عليك يا قلبي ... ما فهمش حبيبي حبي
جاني وقاللي وداع
ومفيش من الليلة بينا ... لا كلام ولا فهمنا
مين فينا اللي باع

كل الكلام اللي بيتقال .. في الفراق اتقال .. ومليت
من التكرار .. ده كلو مرار .. وأنا إستكفيت
أسف حبيبي وبعتذر .. طب بعد إيه جاي تعتذر
ما خلاص خلصنا .. وقتي ضاع عمري انهدر

وياعيني عليك يا قلبي ... ما فهمش حبيبي حبي
جاني وقاللي وداع
ومفيش من الليلة بينا ... لا كلام ولا فهمنا
مين فينا اللي باع

كتبت بتاريخ
10/3/2011
NaBiL THaBeT