الشوق جمعنا

 

كل اللي إنتي بتتمنيه .. أنا بتمناه
واللي عيشتي بتستنيه .. أنا بستناه

وخلاص الشوق جمعنا
والحب جه دوبنا
وخلاص بقينا لبعض
ومفيش حاجة تفرقنا

كل اللي إنتي بتحبيه .. أنا حبيته
كلامك قبل ما تقوليه .. أنا حسيته

قلبك حسني وكان قلبي حاسس .. فتكلمت
ماقدرتش أخبي وقالها قلبي .. قال عشقت

وخلاص الشوق جمعنا
والحب جه دوبنا
وخلاص بقينا لبعض
ومفيش حاجة تفرقنا

إحنا الاتنين .. أجمل حبيبين
وكده لايقين .. على بعض
نفس الإحساس .. غير كل الناس
وبقينا خلاص .. بنكمل بعض

NaBiL THaBeT 

23/9/2015

خطاط الغرام

الحب القديم

فاتت سنين .. قالوا السنين .. بتنسي
ما نسيتش ليه .. وبحن ليه .. يونسني

ده الحب القديم الأول أول حب كان
الحب اللي لسه معلم علمني وبان
بان أثره وبفتكره في كل زمان

أنا نفسي أقابله مرة تانية
حتى أشوفه من بعيد
عينيا تيجي في عينه ثانية
يفرح قلبي من جديد
دي ذكرياته معايا عايشة
ولا يوم هتموت أكيد

ده الحب القديم الأول أول حب كان
الحب اللي لسه معلم علمني وبان
بان أثره وبفتكره في كل زمان

أنا عارف إنه النصيب
وماكانش نصيبي أبدا
لكنه كان ليا الحبيب
وحيفضل حبيبي دايما
و بعيد لكن قريب
لإنه في قلبي ساكن

ده الحب القديم الأول أول حب كان
الحب اللي لسه معلم علمني وبان
بان أثره وبفتكره في كل زمان

10/4/2016
NaBiL THaBeT
خطاط الغرام 

حبيتها أكيد

 

فيه واحدة من أول كلمة قالتهالي
صحت أشواقي وإتغيّر حالي
بقى مشغول دايماً بيها بالي
وشايفها حقيقة وفي خيالي
دايماً ويايا ف كل مكان وفي أحلامي

حبيتها أكيد وبقت بالنسبة لي
أغلى وأجمل حاجة ف حياتي
حبيتها أكيد دي مكتوبالي
تبقى نصيبي ونصي التاني

ومن تاني أنا وهي بقينا لبعض
بعد البعد بعد الغيبة والمسافات
دي واحشاني وعشان فيه وعد
بعد البعد نتلاقى فنتلاقى

ومن تاني أنا وهي سوا بنعيش
وما بنحكيش 

عن الماضي خلاص أهو فات
دي شارياني وأنا شاري
وقلبي خلاص بقى ناوي

 ليها يعيش

24/3/2017

NaBiL THaBeT 

خطاط الغرام 

تعالي نجدد الأيام

تعالي نحكي ونتكلم

ونعيد أيام زمان

تعالي أقولك بحبك 

وإنتي تقوليها كمان

بطلنا نقولها ليه؟ 

شغلنا عنها إيه؟
الحب ما بينا عايش 

هيعيش طول الزمان

أنا جاي الليلة ليكي بشوق 

أول يوم قابلتك
أنا جاي الليلة طاير فوق 

فرحان إني هقابلك

تعالي نجدد الأيام 

ونقول تاني أحلى كلام
تعالي نعيش وننسى

أي يوم كان فيه آلام

ده إحنا إتعذبنا ياما 

ونسينا الإبتسامة
يا حبيبتي تعالي نحلم 

ونحقق الأحلام

أنا جاي الليلة ليكي بشوق 

أول يوم قابلتك
أنا جاي الليلة طاير فوق 

فرحان إني هقابلك

NaBiL THaBeT 

22/12/2015

جمالها مش طبيعي

 واحدة شيك وذوق

إحساسها عالي فوق

إصحى يا قلبي فوق

روح وإنده لها

شوف لنا طريقة

لعيونها الجريئة

خطفتني ف دقيقة

روح وإنده لها

جمالها مش طبيعي

جمال فوق الخيال

وجودها لوحده يبهر

من غير كلام يتقال

عليها طلة غير

جت قلبت المكان

خلتني عايز أطير

وأعمل حركات جنان

حواليا الناس كتير

ولا شايفة عيوني غيرها

دي تشوفها مرة واحدة

طول عمرك تفتكرها

تسرح وتروح بعيد

وتفكر في الحياة

اللي هتكون معاها

ياقلبي أجمل حياة

جمالها مش طبيعي

جمال فوق الخيال

وجودها لوحده يبهر

من غير كلام يتقال

عليها طلة غير

جت قلبت المكان

خلتني عايز أطير

وأعمل حركات جنان

25/9/2022

NaBiL THaBeT 

كسرت خوفي

 

أنا كنت خايف أقرب منك وإنتي كمان 

خايفة ولو كل العشاق زينا خايفين

ماكانتش عاشت أي حكاية حب وتاهت

ويا الخوف إزاي نخاف ونقول عايشين

كسرت خوفي ويا كسوفي

ومن الكلام أنا قولت كتير

قولت بحبك وحن قلبك

وقال كلام ، كلام كبير

بحبك ياللي كنت من هواكي خايف أقرب

بحبك ياللي قلبك كان تملي بيهرب

بحبك ياللي عيشتي سنين في أحلامي

سنين أنا كنت فيها خايف ساكت كلامي

كسرت خوفي ويا كسوفي

ومن الكلام أنا قولت كتير

قولت بحبك وحن قلبك

وقال كلام ، كلام كبير

NaBiL THaBeT 

15/4/2008

حكايتنا فرحتنا

 

فرحتنا فرحتنا .. تكمل بلمتنا
دايما متجمعين
حكايتنا حكايتنا .. حلوة بإحساسنا
إحساس عاشقين

سنين ومكملين .. مع بعض وفرحانين
يتمنوا الناس يعيشوا .. حياتهم زينا
نحلم ونتمنى .. نسعى لأحلامنا
وراها لحد ما نطولها .. حياتنا ملكنا

تعالوا اتفرجوا .. تعالوا منا اتعلموا
إزاي بنعدي صعب .. بقى سهل بعقلنا
مش خالية م المشاكل .. حياتنا ولا بالساهل
طريق مليان بشوك .. بنخطيه بحبنا

السر ف التفاهم .. ده أساسي لابد لازم
خلافنا يزيدنا قرب .. مش تقليل المحبة
بنكمل أي نقص .. وكلامنا تملي همس
عايشين حكايتنا حب .. بيكبر حبة حبة

حكايتنا فرحتنا .. تكمل بلمتنا
دايما متجمعين
حكايتنا فرحتنا .. حلوة بإحساسنا
إحساس عاشقين

NaBiL THaBeT

2022

باب السعادة

 

تعالَى نفتح .. باب السعادة .. تعالى نِفرَح
قِرَّب حبيبي .. قَرَّب زيادة .. قُربك يفرِح

قلبي طاير من الفرح .. قلبي لا ولا يوم جرح
إنت مكافأة وهدية .. والبال وياك سرح

سرحت معاك نسيت .. كل الهموم ولقيت
إن إنت دنيا حلوة .. فتحت باب السعادة

حبيبي لما جيت .. خدتني حسيت
إحساس لأول مرة .. بالأمان بالهنا

حبيبي لما حبيت .. إتغيرت وبقيت
بشوف الدنيا حلوة .. وإنت معايا هِنا

قلبي طاير من الفرح .. قلبي لا ولا يوم جرح
إنت مكافأة وهدية .. والبال وياك سرح

NaBiL THaBeT

2022

 

تحلم وتعيش

 

تحلم وتعيش الحلم حقيقة
تحلم وتعيش ويا حبيبة
وياها الدنيا بجد جميلة
ومعاها الليلة أحلى ليلة

ولأخر يوم في حياتك
تفضل وياك ضحكاتك
أهي جت لك وراسمة لك
ملامحك بإبتساماتك

تحلم وتعيش أيوة يابختك
دي حبيبتك دايبة وتشبهلك
لايقين على بعض وبتحبك
ومابينكم وعد تصون قلبك

ولأخر يوم في حياتك
تفضل وياك ضحكاتك
أهي جت لك وراسمة لك
ملامحك بإبتساماتك

تحلم وتعيش عمرك تعشق
الحلم العالي أهو إتحقق
بقى ملك إيديك خلاص صَدّق
دي حبيبتك عن غيرها بتفرق

وحياتك وياها بتفرق 

ولأخر يوم في حياتك
تفضل وياك ضحكاتك
أهي جت لك وراسمة لك
ملامحك بإبتساماتك

NaBiL THaBeT 

عايشين على الإحساس

 

أنا شاهد ع اللي كان 

بينكم ده كان

مش غرام

بتقولوا عايشين فيه 

بأمارة إيه 

ده كلام ؟!

كانت كدبة وصدقتوها 

وحكيتوها لكل الناس 

واللي يشوفكم يقول عليكم 

عايشين على الإحساس 

ولسه تاني هتمثلوا الحب

ما خلاص كل شيء بان

بان الكدب

وبقى كل الناس عارفين

إن إنتوا للحب مش فاهمين

واللي بينكم ده مش غرام

ده بس في عقولكم أوهام

عيشتوا فيها وصدقتوها

وحكيتوها لكل الناس

واللي يشوفكم يقول عليكم 

عايشين على الإحساس 

طب حاولوا تاني تجربوا الحكاية

رجعوها تاني للبداية

عيشوا فيها وصدقوها

وتاني إحكوها لكل الناس

واللي يشوفكم هيقول عليكم

عايشين على الإحساس 

NaBiL THaBeT

عنها بيسألوني

عنها بيسألوني هي مين؟

اللي بتكتب فيها كلام الحب

اللي شاغلة البال والقلب

أرد بكلمة واحدة أقول حبيبتي

برضو يسألوني هي مين ؟

هي حقيقة ولا الخيال

صورة راسمها وليها ميّال

قلبي عِشقها وليها مال

دي هي آية من الجمال

هي حقيقي ترد الروح

قلبي ليها كتاب مفتوح

معايا دايما فين ما أروح

سميتها روح الروح

عنها بيسألوني عن مكانها

مكانها ف قلبي حضني بيتها

لو شوفتوا مرة ضحكتها

تعرفوا ليه أنا حبيتها

سِر جمالها في الهدوء

أصل أدب أخلاق وذوق

حَلِّت حياتي بأحلى شوق

خَلِّت أحلامي عالية فوق

NaBiL THaBeT

2022

حضن حبيبي

 

أكتر مكان .. فيه بحس أنا بالأمان

جوه حضن حبيبي

أنا من زمان .. لقيت فيه الحنان

لقيته في حضن حبيبي

محتاج لحضن حبيبي جنبي في محنتي

في ضعفي وهو جنبي بحس بقوتي

أنا في إشتياق لطلته ولمسته

واحشني صوته وإبتسامته وضحكته

أنا بعترف أنا كنت قاسي عليه

لكني فعلا في إحتياج ألمس إيديه

في كل مكان .. عيشنا فيه

شايل ذكريات

قاسي الزمان .. بعدنا ليه

وبسرعة الوقت فات

ليه إنتهى الحب ف ثواني قليلة

مالحقتش أشبع منه ليه مفيش لقا

كان كل يوم بينا معاد في الهوا

أجمل سنين الحب عيشناها سوا

لكن خسارة كل شيء فجأة إنتهى

وإفترقنا بقينا ذكرى بكرة تتنَسى

NaBiL THaBeT

من أول يوم

 

من أول يوم أنا حبيتك ما أعرفش إزاي

أنا خدني الشوق وهويتك والفرح جاي

وكل يوم جديد حبك يزيد وأحبك أكتر

وده يبقى إيه اللي عملتيه بتشد أكتر

يوم ورا يوم بنام وبقوم على صوتك

تجيني في الأحلام ونقول كلام وسكوتك

حتى السكوت سحر لما تتكلم عيونك

إنتي دوبتيني ملكتيني خليتيني أحب الحياة تاني

إنتي جننتيني حيرتيني نسيتيني إسمي وعنواني 

من أول كلمة إتقالت منك أنا حنيت

وسيبت روحي تروح ليكي لحد البيت

دقيت ع الباب أنا قلبي داب وإستنيت

يجيني ردك ورد قلبك قال حبيت

وأوصفلك إيه أنا كنت إيه قبلك يا حبيبتي 

أنا كنت تايه في الدنيا وعايش ويا حيرتي 

وخلاص أنا مش هحتار تاني بعد أما حبيتك

إنتي دوبتيني ملكتيني خليتيني أحب الحياة تاني

إنتي جننتيني حيرتيني نسيتيني إسمي وعنواني 

NaBiL THaBeT

روحوا إسألوها

روحوا إسألوها ياترى  

مين اللي حبه قلبها ؟

وإستنوا منها ردها

بس الجواب عندي أنا 

أنا حبيبها وعشقها

قلبي اللي دوب قلبها

روحوا إسألوها عن السهر

وليالي غاب فيها القمر

كانت هي قمر السما

سهرانة ويايا أنا

أنا حبيبها وعشقها

قلبي اللي دوب قلبها

روحوا إسألوها حالها إيه ؟

بعد الغرام ما عاشت فيه

إيه اللي حاسة هي بيه ؟

هيمانة دايبة فيا أنا

أنا حبيبها وعشقها

قلبي اللي دوب قلبها

NaBiL THaBeT

رقة المشاعر

 

ياحبيبي الكلام .. كل الكلام .. شوية عليك

أحكيلك إيه .. أوصفلك بيه .. جمال عينيك

رقة المشاعر .. إنت بجد ساحر

عملت فيا إيه .. خليتني أتعلق بيك

يا حبيبي الأيام .. حلوة الأيام .. وإنت معايا

صحيت الشوق .. خليتني أدوق .. فرحي هنايا

رقة المشاعر .. إنت بجد ساحر

عملت فيا إيه .. خليتني أتعلق بيك

ياحبيبي تعالى .. عيش ويايا .. عمري بحاله

لو تعرف مالي .. إيه اللي جرالي  

حالي ماهوش حالي

هات عينيك في عينيا .. هات عينيك أسألها

إزاي سحرتني بنظرة .. كده من أول مرة

رقة المشاعر .. إنت بجد ساحر

عملت فيا إيه .. خليتني أتعلق بيك

NaBiL THaBeT

افرحي

 

إفرحي دي الفرحة حلوة

إفرحي غني لنا غنوة

وإنسي الأحزان شوية

إفرحي تستاهلي فرحة

وإلبسي بقى أحلى طرحة

وفستان أبيض ويالّا

نرقص يا حبيبتي نرقص

على مزيكا فرحنا

وأغنيلك دي ليلة .. إستنيناها ياما

أغنيلك وأشوف .. على وشك الإبتسامة

والضحكة طالعة صافية

في ليلة حب دافية

تعالي في حضني نبدأ

حكايتنا الجديدة

حبيبتي خلاص بنحقق

أحلام كانت بعيدة

وأغنيلك أغاني .. اتكتبت لك بإسمك

أغنيلك أغاني .. بكلامي أنا فيها راسمك

NaBiL THaBeT

خطاط الغرام ✍🏼 2021

بعد الغروب

 

كل يوم حكاية

قصة ورواية جديدة 

كل يوم معايا

دايما حبيبتي سعيدة

أنا شمس بتنوّر نهارها

شمس بتنوّر حياتها

هي قمر ليلي

نورها يحليلي

كل الليالي معاها جميلة

حبيبتي قمري كل ليلة

بعد الغروب يجي القمر

ينوّر ويحلى السهر

ويّا حبيبي اللي أمر

قلبي يهواه قلبي إتسحر

بعد الغياب لقا

ليه بتغيبي بقى ؟

خليكي هنا

يا حبيبتي معايا أنا

إستني رايحة فين ؟

أنا دوّبني الحنين

مشتاق لنظرتين

العيون ليكي مشتاقين

بعد الغروب فيه شروق

وحبيبتي جاية بشوق

على صوتها أجمل صوت

كل يوم بصحى وبفوق

Nabil Thabet

2019

إيه الكلام

طب إيه الكلام

اللي يوصف الجمال

اللي شايفاه عينيا

عدى حدود الخيال

قلبي ليكي مال

يا ملكة الدلال

طب إيه بس الكلام

اللي ف حضورك يتقال

دوبتيني بعينيكي

بتسحرني النظرة بلاقيني

سرحت فى دنيا تانية

نسيتيني دنيتي

شايفيني الناس سعيد

إنتي سر فرحتي

أشوفك من بعيد

تعلى تعلى ضحكتي

بالمختصر المفيد

إنتي كل دنيتي

دوبتيني بعينيكي

بتسحرني النظرة بلاقيني

سرحت فى دنيا تانية

نسيتيني دنيتي

كتبت بتاريخ

11/6/2021

NaBiL THaBeT

أول حب

 

أول حب ده يعني أول نظرة عين

أول دقة قلب وأول شوق وحنين

أول إحساس بالإحساس

لما قابلت أعز الناس

اللي خطفني ملكني وعيشني في هواه

وده كان أول حب قابلته وسنين عاش

لسه مكمل وأنا عن حبه ما استغناش

كل كلام الحب اتقال

لأ لسه كلام

طول ما حبيبي معايا 

وبتفوت الأيام

أيام حب وأيام فرح

أيام أحلى وأحلى معاه

وده كان أول حب قابلته وعيشت معاه

أحلى سنين من عمري وإيه تاني أتمناه 

 

كتبت بتاريخ

18/12/2016

NaBiL THaBeT

دايب

قدام عينيا وبلمسك .. أنا مش مصدق

كان نفسي بس أكلمك .. دلوقتي بعشق

ودايب فيك حبيبي .. عاشق وبقول كلام

وبقيت لي من نصيبي .. الله على الغرام

فهمني إزاي قدرت .. تعلق قلبي بيك

مابقاش يستغنى عنك .. مابقاش غير بس ليك

ودايب فيك حبيبي .. عاشق سحر العيون

لو إنت مش نصيبي .. طب قوللي لمين أكون

طمني عليك يا غالي .. سهران طول الليالي 

مشغول دايما عليك .. مشغول دايما ده حالي

ودايب فيك يا غالي .. واخد كل إنشغالي

ومعايا أو بعيد .. دايما والله في بالي

أنا كل الناس نسيت .. وإنت اللي ما تتنسيش

أنا أهو دلوقتي جيت .. أقولك ليك هعيش

ودايب فيك وعايش .. أجمل ليالي معاك

لو فين ماتروح هجيلك .. إخترت أكون وياك

كتبت بتاريخ

26/7/2015

NaBiL THaBeT