أنا كنت ياما سنين بعيش على الذكرى
ونسيت خلاص إن الحياة ماشية نسيت بكرة
وفضلت عايش ع اللي عيشته زمان وراح
وفضلت ساكن وحدتي بعدك .. وحدتي بعدك
أنا كنت مستنيك في يوم ليا أكيد راجع
وقالولي كل الناس كلام ولا كنت سامع
وأصبر نفسي بأي حاجة عشان أرتاح
وفضلت عايش ع الأمل .. والرجوع المحتمل
أنا كنت بوهم نفسي أيوة كنت عارف
إني بهرب من الحقيقة ده لإني خايف
ماهي كانت روحي فيك وروحك راحت
وراح معاها كل الأمل .. والرجوع المحتمل
بعد أما فات من العمر عمر أنا لسه فاكر
كل حاجة معاك ولسه عايشة المشاعر
واللي يقولي خلاص ده مات بقوله عايش
جوه مني ده لأني منه وفيا منه كل الحاجات
Nabil Thabet
الله عليك يافنان
ردحذفحبيبي يا مهندس ♥️ تسلم
حذف