زعلانة مني

 زعلانة مني .. أكيد ظالماني .. ظنك مش في محله 

قلبك حبيبي .. عشقي ونصيبي .. مين بس قال له

 إني خنتك .. ولا ظلمتك .. ده أنا قلبي دوبتيه 

حبيبتي مالك .. ايه جرالك .. زعلانة مني ليه ؟

زعلانة منك .. عشان بحبك .. وإنت مش بتقدر 

شوفتك معاها .. شاغلك هواها .. وفيها بتفكر 

كام مرة شوفتك .. وكنت بسكت .. خلاص بقي ده كتير 

أنا واحدة دايبة .. في حبيبي حقي .. عليك أغير 

بيني وبينها ايه .. بتغيري عليا ليه .. وتشكي فيا 

ده وإنتي من زمان .. دوبنا الحنان .. يا نور عينيا 

زعلانة مني .. حقك عليا .. خلاص بقي وكفاية 

شك فيا .. وظلم ليا .. مش عايزينها النهاية 

خلاص سامحتك .. عشان بحبك .. وإنت كل ما ليا 

دنيا هواك .. أنا عايشة بيها .. قرب حبيبي عليا 

ننسى اللي كان .. ونعيش حنان .. حب السنين

 رجعنا يا زمان .. تاني للي كان .. قلبين دايبين

NaBiL THaBeT

قولولها تريح بالها

قولولها تريح بالها

قولولها تريح بالها & بكفاية كدا وخلاص

لا عتاب ولا حتي كلامها & حيرجع اللي راح

وتعبي أنا حقوي عليه من بعدها

وجرحي جوايا أنا حداويه في بعدها

وحعلم قلبي يتحمل ويحب من تاني ويكمل

لحد ما يجي اليوم وقول أنا إتخلصت من حبها

ــــــــــــــــــــــــــــــــــــــــــــــــــــــــــــــ

ولو ف يوم نداها الشوق

وسرقها أملها وبصت فوق

قصدها نرجع زي زمان

حتلاقي قصادها جبل احزان

وقلب قدر بعدها ينسي حبها

ويمحي زكري شايلها لقلبها

والنهارده وصل للنهاية

طوي الصفحة اللي فيها جرحها

ــــــــــــــــــــــــــــــــــــــــــــــــــــــــــ

حمل من هنا بصوتي

الكلمات / إهداء من صديقي محمد عبد الرحمن

عاشق بلا حبيبة

اللحن والغناء / خطاط الغرام نبيل ثابت

لسه بهواكي

لســه بهــواكـي 

فاتت سنة ووراها سنين .. وأنا عايش بحلم بحنين
حبيتك والقلب إختارك .. سيبتي قلبي لوحده حزين

وعرفت خلاص إن أنا مش ليكي ولا ليا نصيب معاكي
ورضيت ومشيت سيبتك لنصيبك حبيبك بكرة أنساكي
وأنا ليه مش عارف أنسى وأبعد لسه بقرب ليه أنا بعند
لسه بهواكي

لما إحنا خلاص مش هنكمل
وعذابنا حنقدر نتحمل
ليه لما بشوفك وبقابلك
بعيونك بتقولي نكمل
وأنا بضعف عندي بيتبدل

وإنتي عارفة إني عشانك عشت ليكي عمر فات
عشت أحلم بيكي قلبي قاسى وإتحمل أهات
دقت أصعب جرح لما قولتي ليا الوقت فات
والنهاردة بنظرة منك حن قلبي لذكريات

قلبي ليه بتحن ليها .. قلبي ليه تاني الغرام
لسه بهواكي .. قلبي قالهالي .. هتحمل ألام
لسه بهواكي .. ولو مفيش فايدة من الكلام

إسمع من هنا بصوتي 

كتبت بتاريخ
12/3/2008


NaBiL THaBeT

قلبي نادى لها

قلبــي نادى لــها

نظرة في عين اللي بحبها
ضحكتها بتجنن قلبي أنا
دوبت فيها وسلمت لها
في جمالها ايه ؟ بموت أنا
قلبي نادى لها وراح وحكى لها وهي ضحكت يعني ايه
أكيد حاساني واللي في بالي مشغولة هي بيه

لا ده مش ممكن يكون ده علم
أكيد أنا عايش أكبر حلم
معقول قلبها بيا مغرم
وأنا في خيالها وبيا بتحلم
يبقي أنا لازم أروح وأسألها وفي إجابتها أنا هرتاح
وتبقى الدنيا في عيني مليانة بالحب والأفراح

قلبي نادي لها وراح وحكى لها وهي ضحكت يعني إيه
أكيد دي حقيقة وفي ضحكتها بان اللي بتخبيه

NaBiL THaBeT

عايشين علي ده الحال

عايشيـــــن علـــى ده الحــــــــــــال

ومالك ياللي بالك مشغول وشاغلاني
وإزاي تقولي ما أستغناش عنك وفايتاني
ومهما قولت فيها وعيدتها
بحبك إنتي قلبك بيصدها
وليه عايشين على ده الحال وبنكمل
ولو غيبنا يومين نتعب ما نتحمل

ومالي ياللي حالي ما يرضيش حد
معقول من نظرة قلبي الراسي اتشد
ويقول أنا أهو يا ناس .. عاشق
ويسيبني حبيبي في عز ليل غامق
وليه عايشين على ده الحال وبنكمل
ولو غيبنا يومين نتعب ما نتحمل

ومالنا يا عشاق راضين بالعذاب
سألت كتير حبايب والجواب
ده عذاب أحلى عذاب ما القلب داب
حتى لو حبيبي .. حبيبي بعد وغاب
وليه عايشين على ده الحال وبنكمل
ده لو غيبنا يومين نتعب ما نتحمل

كتبت بتاريخ
5/8/2010

NaBiL THaBeT

عايـــــش فــــــــي ماضـــــــــي

عايـــــش فــــــــي ماضـــــــــي

دايما بعيش ع الماضي .. مع انو كان عادي .. وفاضي
بإيديا مات الحاضر .. ودفنته بقولة حاضر .. وراضي
راضي أعيش ع الماضي .. مع إنو كان عادي .. وفاضي

مش عارف عايز ايه .. من الحياة أنا إيه وليه
أنا واقف ولا ماشي .. نايم وعيني ما نايماشي
ماشي ف طريق .. دايما نهايته بتبقي سد
وحياتي ليه .. مش مهمة لأي حد
حواليا ناس كتير ولكن .. بحس إني لوحدي عايش
عايش ف ماضي .. مع إنو كان عادي .. وفاضي

الماضي كان كلو ألم .. والجرح فيه موجود .. وفيه بفكر
حبيت .. فرحت كتير بحبي .. والجرح كان تملي أكبر
ياريته كان كلمة وداع من غير ما يوعد بكرة ليك
وأهو بكرة جه من غير حبيبي .. ووعوده ليا جراح بتكبر .. كل يوم

ورجعت أعيش ع الماضي .
ويّا جراحو .. وراضي
مع إنو كان عادي .. وفاضي

جميع الحقوق محفوظة

كتبت بتاريخ
14/2/2009

NaBiL THaBeT

عينيك بتقول كلام

 عينيك بتقول كلام .. وإنت بتقول كلام 

أسمع كلام مين ؟ 

عينيك فيها أشواق .. وإنت بتقول فراق 

طب أصدق مين ؟ 

مش قادر أصدقك .. وأكدب عينيك 

صعب إني أخسرك .. وأضحي بحبي ليك 

إزاي عايزني أصدق .. كلام مش من قلبك 

وأرجع تاني لحياتي .. اللي كانت قبلك 

حياة أنا كنت فيها عايش كده 

عايش لمين .. عايش لإيه .. عايش ف الحزن ده

 

حبك شاغلني .. قلبك حاسسني .. يبقي ليه بتقول وداع 

حبيبي فهمني .. ليه سايبني .. سايبني للضياع 

مين هيبقي جنبي .. بعد ما تودعني 

ما أنا إتعودت عليك 

ماتقوليش حاببني .. يللا وفارقني

فارق مادام يرضيك 

راجع تاني لحياتي .. ناسي فرحي 

أدفن ذكرياتي .. ذكريات جرحي 

حياتي ليه بقت كده علي طول 

أفرح يدوب لحظة .. أحزن وحزني يطول 

كتبت بتاريخ

 19/8/2007

حمل من هنا بصوتي

ناديها يا قلبي

ناديهــــــــــا يا قلبـــــــــــي
وناديها يا قلبي وقولها لها .. أنا عاشق دايب في جمالها
أنا كنت راسمها في أحلامي .. ومابقيتش خيال أيوة شايفها
وناديها يا قلبي وما تسيبهاش
غير في حضنك ده لو ما جاش
اليوم وأنا .. وهي سوا .. حخسر كتير .. هي المنى

وناديها يا قلبي واتكلم .. لو تسكت أنا كده بتألم
شوف حكايات عشاق تانيين .. اسمع كلامهم واتعلم
وناديها يا قلبي وما تسيبهاش
غير في حضنك ده لو ما جاش
اليوم وأنا .. وهي سوا .. حخسر كتير .. هي المنى

مستني ايه ما خلاص أذنت .. لينا بغرامها ليك شاورت
انت اللي خايف حد يخاف .. من عيون مالت ضحكت
وناديها يا قلبي وما تسيبنيش
واقع في حيرة أنا ليها بعيش
يعني لو تسكت أنا .. معنى الحياة عندي انتهى
حخسر كتير .. هي المنى


كتبت بتاريخ
26/5/2010

محتاجلك

محتــــــــــاج لــــــــــــك

محتاجلك جنب مني .. محتاج حبة حنان

طال غيابك عني .. ومش حاسس بالأمان

ما انتي عارفة تغيبي ثانية .. دي عندي تفوت سنين

من يوم ما غيبتي عني .. ومش عارف أنا مين

خلاص ما بقيتش عارف أعمل ايه وعني بعيد

حبيب عمري .. وحياتي بعدو ما فيهاش جديد

مرتاح هو في بعادو .. مرتاح وأنا وحيد

محتاجلك حسي حالي .. محتاجلك طفي ناري

مش عارف ايه جرالي .. مشتاق وازاي أداري

ماانتي عارفة أنا قلبى دايب .. حسى بيا وحسى بيه
مش هعيش والحب غايب .. حسى بيا جرالك أيه

خلاص مابقيتش عارف أعمل أيه وعنى بعيد
حبيب عمري .. وحياتي بعدو ما فيهاش جديد
مرتاح هو فى بعادو .. مرتاح وأنا وحيد

NaBiL THaBeT

وفـــــــي المـــــــــوت حيــــــــــــــاة

وفــــــــي المــــــــــوت حيـــــــــــــــــــاة

عجيب عنوان المقال .. ولكنها الحقيقة لأن الحقيقة التي لا يستطيع أحد أن ينكرها
أن هناك حياة بعد الموت , وهي حياة دائمة خالدة , وهي اما نعيم في جنة الخلد
, أو جحيم في نار جهنم .. وكلاهما أبدي ودائم , فلا موت بعد الموت ..
نعم .. مات الموت.

وفي الموت حياة .. حقيقة يوقن بها المؤمن ويعيش سنواته المحدودة
وهو ينتظر الموت في أي لحظة .. ينتظر هذا المفتاح السحري ..
الذي سيغلق عليه باب الحياة الفانية .. ويفتح له باب الحياة الدائمة ..
وهنا يكون فعلا في الموت حياة.

وفي الموت حياة .. حقيقة يهرب منها بل وينكرها العاصي والكافر
لأنه يتمسك بالدنيا وما فيها .. ويهرب من الموت .. ويمني نفسه
بنعيم الدنيا وهو في الحقيقة زائل لا محالة , ولا وجه للمقارنة بين
نعيم الدنيا ونعيم الأخرة .. ولكنها اختلاف طبيعة النفس البشرية
من انسان لأخر.

اذا كانت هناك حقيقة بينة في هذه الدنيا .. فهي الحقيقة التي لا تترك
أبدا مجال للشك .. وهي حقيقة الموت,
في باطن هذا المعني .. وهو الفناء للحظة الموت ..هذا الفاصل الزمني
بين حياته قبل الموت , وحياته بعد الموت , حقيقة أنه ..
في الموت حياة.

مقال بقلم / نبيل ثابت

كتب بتاريخ
6/9/2009