رقة المشاعر

 

ياحبيبي الكلام .. كل الكلام .. شوية عليك

أحكيلك إيه .. أوصفلك بيه .. جمال عينيك

رقة المشاعر .. إنت بجد ساحر

عملت فيا إيه .. خليتني أتعلق بيك

يا حبيبي الأيام .. حلوة الأيام .. وإنت معايا

صحيت الشوق .. خليتني أدوق .. فرحي هنايا

رقة المشاعر .. إنت بجد ساحر

عملت فيا إيه .. خليتني أتعلق بيك

ياحبيبي تعالى .. عيش ويايا .. عمري بحاله

لو تعرف مالي .. إيه اللي جرالي  

حالي ماهوش حالي

هات عينيك في عينيا .. هات عينيك أسألها

إزاي سحرتني بنظرة .. كده من أول مرة

رقة المشاعر .. إنت بجد ساحر

عملت فيا إيه .. خليتني أتعلق بيك

NaBiL THaBeT

افرحي

 

إفرحي دي الفرحة حلوة

إفرحي غني لنا غنوة

وإنسي الأحزان شوية

إفرحي تستاهلي فرحة

وإلبسي بقى أحلى طرحة

وفستان أبيض ويالّا

نرقص يا حبيبتي نرقص

على مزيكا فرحنا

وأغنيلك دي ليلة .. إستنيناها ياما

أغنيلك وأشوف .. على وشك الإبتسامة

والضحكة طالعة صافية

في ليلة حب دافية

تعالي في حضني نبدأ

حكايتنا الجديدة

حبيبتي خلاص بنحقق

أحلام كانت بعيدة

وأغنيلك أغاني .. اتكتبت لك بإسمك

أغنيلك أغاني .. بكلامي أنا فيها راسمك

NaBiL THaBeT

خطاط الغرام ✍🏼 2021

أوقات كتير

 أوقات كتير بحتاج أشوفك لو ثواني

ليه غيبتي عني وليه بقيتي ف حضن تاني

بعدك في ناس حست جراحي وبتداوي

رافض أبيّن ضعفي ليهم وبداري

دموعي ورا إبتسامتي بتألم

صورتك شايلها معاها بتكلم

وإزاي أعيش وأنا جسد بلا روح

وأنا كل حتة ف جسمي نازفة جروح

وإنتي الطبيب وإنتي الدوا وإنتي الحياة

وأدي الحياة عمالة مني تروح !!

أوقات كتير عنك بيسألوني الناس

وبيحكوا عنا وعن غرامنا والإحساس

ومفيش كلام مني يسكّتهم أسيبهم

وأمشي وحدي ف سكة وأبعد عن طريقهم

بدموعي ورا إبتسامتي بتألم 

صورتك شايلها معاها بتكلم

NaBiL THaBeT

لسه بتفرح

 

لسه بتفرح لما بتسمع صوتها ؟

ده أنا بتعذب كل ما تيجي بس سيرتها

واحدة بتجرح كل واحد بيقابلها

عايشة حياتها بمليون كدبة وبتصدقها

طب ما تفوق من وهمك سيبها خايف تخسرها ؟

طب خد عندك عارف عنها حاجات تشيّب

روح كمل وياها الناس عليك بتعيّب

إسرح جوه عيونها وعيش الحب الزايف  

سيطر لملم نفسك فوق عقلك متغيّب

لسه بتفرح لما بتسمع منها بحبك؟

دي الكلمة اللي بتضِعف فيك ضَعفك قلبك

إنسى القلب ضعيف قدام الكلمة الحلوة

ما عينيك شافت الحقيقة عينيك صدقها 

NaBiL THaBeT

كتر الكلام

 كتر الكلام يعني

حيفيد بإيه يعني ؟

سيبته وودعني

خلصت حكايتنا

وماعدش فيه أشواق

أخر طريقنا فراق

والقلب لو يشتاق

حيفوق بأوجاعنا

قولنا كتير وكتير كلامنا في الفاضي

نسكت نلاقي سكوتنا زي كلامنا عادي

فخلاص كده كتبت النهاية ببعادي

فات قد ايه 

من يوم وداعنا

كتر الكلام زوّد وجعنا

حنحن ليه ؟

ونتعب في روحنا !!

لو على الغرام والذكريات

حتتنسي وده ماضي مات

وهنسى أه ما الصعب فات

NaBiL THaBet

تقدر تتكلم

 

تقدر تتكلم دلوقتي

وكلامك ولا فارق حاجة

ما أنا سيبتك ومشيت 

ولا عمري أرجعلك تاني

تقدر تحكي عني حكاوي 

وتشوه صورتي ده شيء عادي

أنا ولا هسمع ولا هتكلم

ولا عمري أرجعلك تاني

إنت اللي إخترت تفارق

ماتجيش وتقول أنا عاشق

تقدر تعشق إعشق غيري

أنا شكرا كده كتر خيري

إنت اللي نهيت القصة

ماتقولش بحبك لسه

ده انت ياما حتشوف

بعدي ولسه حتندم

وإحلم وإستنى رجوع

وإبكي بدموع ودموع

هتعيش في عذاب

بعدي ولسه حتندم

إنت اللي إخترت تفارق

ماتجيش وتقول أنا عاشق

تقدر تعشق إعشق غيري

أنا شكرا كده كتر خيري

NaBiL THaBeT

بعد الغروب

 

كل يوم حكاية

قصة ورواية جديدة 

كل يوم معايا

دايما حبيبتي سعيدة

أنا شمس بتنوّر نهارها

شمس بتنوّر حياتها

هي قمر ليلي

نورها يحليلي

كل الليالي معاها جميلة

حبيبتي قمري كل ليلة

بعد الغروب يجي القمر

ينوّر ويحلى السهر

ويّا حبيبي اللي أمر

قلبي يهواه قلبي إتسحر

بعد الغياب لقا

ليه بتغيبي بقى ؟

خليكي هنا

يا حبيبتي معايا أنا

إستني رايحة فين ؟

أنا دوّبني الحنين

مشتاق لنظرتين

العيون ليكي مشتاقين

بعد الغروب فيه شروق

وحبيبتي جاية بشوق

على صوتها أجمل صوت

كل يوم بصحى وبفوق

Nabil Thabet

2019

الرجوع المحتمل

أنا كنت ياما سنين بعيش على الذكرى

ونسيت خلاص إن الحياة ماشية نسيت بكرة

وفضلت عايش ع اللي عيشته زمان وراح

وفضلت ساكن وحدتي بعدك .. وحدتي بعدك

أنا كنت مستنيك في يوم ليا أكيد راجع

وقالولي كل الناس كلام ولا كنت سامع

وأصبر نفسي بأي حاجة عشان أرتاح

وفضلت عايش ع الأمل .. والرجوع المحتمل

أنا كنت بوهم نفسي أيوة كنت عارف

إني بهرب من الحقيقة ده لإني خايف

ماهي كانت روحي فيك وروحك راحت

وراح معاها كل الأمل .. والرجوع المحتمل

بعد أما فات من العمر عمر أنا لسه فاكر

كل حاجة معاك ولسه عايشة المشاعر

واللي يقولي خلاص ده مات بقوله عايش

جوه مني ده لأني منه وفيا منه كل الحاجات

Nabil Thabet 

ناس بتفارق

من كتر ما ناس بتفارق

بقى مش فارق

مين يمشي ومين يستنى

ولا تاني أحلم وأتمنى

أعيش الحب لمين ؟

أديله من عمري سنين

والأخر يجي يفارق

ماخلاص ولا شيء بقى فارق

العشرة وبتهون

ومحدش بقى بيصون

والكل تملي يخون

والغالي بيرخصوا فيه

الحب مابقاش موجود

والحنية ليها حدود

والإخلاص بقى محدود

طب هتعب قلبي ليه ؟

من كتر ما عيشت جراح

مابقاش طعم لأفراح

وأتعب دايما ولا برتاح

ونهاية الحكايات واحدة

كنت أنا بفرح ف البدايات

وأتوجع في النهايات

بعد جراحي قلبي مات

مابقاش يعشق أي واحدة

NaBiL THaBeT

إيه الكلام

طب إيه الكلام

اللي يوصف الجمال

اللي شايفاه عينيا

عدى حدود الخيال

قلبي ليكي مال

يا ملكة الدلال

طب إيه بس الكلام

اللي ف حضورك يتقال

دوبتيني بعينيكي

بتسحرني النظرة بلاقيني

سرحت فى دنيا تانية

نسيتيني دنيتي

شايفيني الناس سعيد

إنتي سر فرحتي

أشوفك من بعيد

تعلى تعلى ضحكتي

بالمختصر المفيد

إنتي كل دنيتي

دوبتيني بعينيكي

بتسحرني النظرة بلاقيني

سرحت فى دنيا تانية

نسيتيني دنيتي

كتبت بتاريخ

11/6/2021

NaBiL THaBeT