داري الدموع

كان سهل عليك تنساني

وصعب أنساك

والأسهل ان العمر يضيع

ع الفاضي معاك

عمال توعدني وكنت مصدق

كدبك بان

جاي الليلة تفارق

حضن هواك

خلاص .. داري الدموع .. مش وقتها

خلصت حكايتك .. والنهاردة فهمتها

ويا غيري أكيد هتكمل

ويا غيري بجرح تاني

انت أكتر من مجرد وهم عيشته

منك اتعلمت أجرح اللي أحبه

قسوة بعد الطيبة تصدم .. واتصدمت

سيبلي الدموع .. يمكن تنسيني اللي شوفته

خلاص .. داري الدموع .. مش وقتها

خلصت حكايتك .. والنهاردة فهمتها

ويا غيري أكيد هتكمل

ويا غيري بجرح تاني

Nabil Thabet

هتسافر

هتسافر وتغيب سنين 

هتسافر وتسيبني لمين

يا حبيب حياتي 

حياتي بعدك ايه

يا حبيب حياتي 

سايبني ونسيت ليه

نسيت حياتنا 

نسيت ماضينا وبتفكر

مين اللي بتحبه 

ومين بيحبك أكتر

أنا أكيد مش ف اختيارك

مع اني عاشق قلبي اختارك

وإنت اخترت حبيب .. وحبيبك

كان أنا .. أنا كنت حبيبك

انت يا حب حياتي وضاع

انت يا جرح ف قلبي وداع

انت نسيت أيامي معاك

وأنا ما نسيتش ان أنا بهواك

هتسافر وأنا مش وياك

والدنيا بعدي لفين واخداك

انت يا حلم حياتي .. الحلم

خدته مني وسيبت هلاك

كتبت بتاريخ

3/9/2009

نبيل ثابت

لذة الحب المستحيل

من يعشق التحدي , يعشق المستحيل , ولما لا والمستحيل هو أكبر التحديات , ولا شيء أبعد من الحب المستحيل , ومن منا لم يقع في هذا الحب ؟!

للحب المستحيل لذة خاصة جدا , ففي هذا الحب أنت دائما تحت ضغط وتحدي مع ذاتك ومع الأخرين , مرتبط بمصير لم تختره بأرادتك , ولكنك خرجت من بئر الحرمان العاطفي .. لتسقط في بحر الحب المستحيل .

لا تنظر الي الخلف .. انظر فقط للمستقبل , واحلم بحياة مع حبيب لم ولن يكون لك , لا في الماضي ولا في الحاضر ولا في المستقبل , احلم لما هو أبعد من ذلك , واجعل قطار العمر يمر بك سريعا وبطيئا , يتحرك ويقف , وأنت لا تدري متى ركبت وكيف حدث ذلك , وما هي المحطة التي ستنزل بها ؟!

محطات كثيرة ستمر بها أيها العاشق الباحث عن المستحيل , حتما ستشعر بلذة الحب ولكنك ستعاني ألام كثيرة جدا في هذه الرحلة الممتعة والمتعبة جدا .

ستقابل عشاق كثيرون , منهم من هو مثلك يبحث عن المستحيل , ومنهم من هو هائم في حب واقعي تتوافر فيه كل مبادئ المنطق والتوافق الفكري والأجتماعي والثقافي .. ولتستمر أنت في المستحيلات !

لا تتعجب ولا تمني نفسك بأنك ستكون من الفريق الثاني , فأنت لاعب أساسي في الفريق الأول , ولكن في حبك المستحيل ستشعر بأحاسيس رائعة جدا , واخري بشعة للغاية !

ستشعر بطاقات كبيرة , تجعلك تملك الدنيا بأسرها , ولما لا وانت أوشكت ان تصل لهذا المستحيل ولكن هيهات لما تحلم , سريعا ما سينمو بداخلك شعور أخر قاسي جدا ومؤلم , انه الحسرة علي الأيام .. الشهور .. السنين التي تمر من عمرك ولا جديد يحدث في حبك الا أن هذا المستحيل يصبح أكثر استحالة .

الخلاصة ، أنه بعد أن يمر بك قطار العمر ويصل الي محطته الاخيرة والتي ستنزل بها , ستدرك فعلا أنك كنت بطلا من أبطال الحب المستحيل " عاشق مع ايقاف التنفيذ ، عاشق بلا حبيبة " وسينطبق عليك قول نزار قباني " وستعرف بعد رحيل العمر , بأنك كنت تطارد خيط دخان " !

جميع الحقوق محفوظة

كتب بتاريخ

24/1/2010

بتغيب

بتغيب .. ومهما تغيب .. دايما معايا ومني قريب 

بتغيب .. وليا تسيب .. جراح ودموع يا أغلى حبيب 

ده أنا كل ما بنساك .. ياخدني هواك .. وأفكر فيك 

على فين واخدني قول .. يابيك مشغول .. بالي عليك 

حيران .. هواك ده مفيش قلوب تتحمله

 سهران .. بنادي عليك تعالى نكمله

 حلم الحياه .. قلبك معاه .. حالف أكمل سكتي 

بتغيبب..عنك مش رح أغيب..لو فين 

هتروح..معاك ياحبيبي تروح .. روحي ..كان 

قلبي محتاج للحنان .. ولقيته فيك 

أفديك .. بأغلى ما عندي .. قلبي .. وهبته ليك 

*********** 

جميع الحقوق محفوظة

كتبت بتاريخ 

16/1/2010

نبيل ثابت

جوه حضنك

جوه حضنك .. لقيت أمان .. حسيت بحنان .. ما حسيتوش قبل النهاردة
وف عينيكي .. سمعت كلام .. مليان غرام .. ما سمعتوش من أي واحدة

انتي مين .. وجاية منين .. وواخداني لفين 
أيام بتعدي وسنين .. ولا عارف بقيت أنا مين 
أنا مين ؟!

جوه حضنك .. شوفت أحلامي .. بقت قدامي .. ومن تاني رجعت أعيش
وطول ليلي .. بفكر فيكي وف قلبك .. ده خلي الفرح ما يسبنيش
دي حياتي .. اتغيرت بيكي .. أنا ليكي .. بعيش .. وهعيش

انتي مين .. وجاية منين .. وواخداني لفين
أيام بتعدي وسنين .. ولا عارف بقيت أنا مين
أنا مين ؟!

*****************
NaBiL THaBeT

سيبنا بعض

سيبنا بعض

اسألها هي حبت مين .. ما تقولش حبيتها

اسألها حست بالحنين .. ف حضني ولا ف حضنك انت

مستني أسمع منها رد .. وردك انت قبلها

ده اللي كان ما بينا وعد .. خنته انت بحبها

وكان .. مني ليك أمان .. وليها حنان .. عليكوا هان

وعليا أعيش بجراح .. ما أنا حلمي بنيته راح .. وانهدم

كل اللي عشت ابنيه .. وليه .. يبقي بايدين حبيبتي وبايديك

ياللي عمري ما كنت قاسي عليك .. وبيك .. كان الأمان موجود

ولما خان .. أقرب ما ليا الوعد

ضعت أنا من حبيبتي .. وسيبنا بعض

وعشنا بعد .. بعد أما كان القرب .. هو طريقنا لبعض

خان .. أقرب ما ليا الوعد

ضعت أنا من حبيبتي .. وسيبنا بعض

جميع الحقوق محفوظة

كتبت بتاريخ

23/11/2008

حمل من هنا بصوتي

جرح بجرح

جرح بجرح

جرح بجرح .. ماعشتش فرح .. ف يوم

وأدي العمر .. سنينه بتمر .. هموم

اتعذب قلبي .. ومن حبايبي .. مظلوم

دي حياتي بقت لعبة ف ايد اللي ف ايدهم روحي

هم اللي جابوني للدنيا ومن الدنيا بيخطفوا روحي

جيت للدنيا .. بتوأم ليا .. اتنين عايشين .. والروح واحدة

وف يوم فرح .. اتحول جرح .. الروح منها راحت متاخدة

وفضلت روحي عشان تتعذب .. بكلامهم ليا اني الجانية

دي حياتي بقت لعبة ف ايد اللي ف ايدهم روحي

هم اللي جابوني للدنيا ومن الدنيا بيخطفوا روحي

تملي بشوفها ف أحلامي .. بتنادي عليا ومش حاسيين

اني الباقية لهم ف الدنيا .. أحضانهم ليا ولا السكاكين

وبموت ف اليوم مليون مرة .. صبحت مرة .. السنين

دي حياتي بقت لعبة ف ايد اللي ف ايدهم روحي

هم اللي جابوني للدنيا ومن الدنيا بيخطفوا روحي

جميع الحقوق محفوظة

حمل من هنا بصوتي

كتبت بتاريخ

11/12/2009

مجرد صديق

 

كدبتي عليا وظلمتيه .. وقولتي إنه ظلمك 

كدبتي عليا وجرحتيه .. وجرحه كان منك 

وأنا فين من كل ده ؟ 

مجرد صديق .. في وقت الضيق .. بتشكيله 

ألم بداويه .. وألمي مين .. بيحس بيه ؟ 

أهات ودموع .. مش حاسة بيها .. وبتحبيه !!

كلامنا قليل .. لو نتكلم 

 كلامك عليه .. وأنا بتألم 

بتنادي عليا .. بإسمه هو

مكانه لسه في قلبك جوه 

وأنا فين من كل ده ؟ 

أنا الحبيب التاني

 تاني جرح حتجرحيه  

مجرد صديق .. في وقت الضيق .. بتشكيله 

ألم بداويه .. وألمي مين .. بيحس بيه ؟ 

أهات ودموع .. مش حاسة بيها .. وبتحبيه !!

 كتبت بتاريخ 

22/11/2009

NaBiL THaBeT

قلة عقل

قلة عقل مني 

لو أحبك غصب عني 

جرحك مش هاممني 

مسيري أدّاوي منه 

قلة عقل منك 

ليه راجع للي قالّك 

ندمان لإنه عرفك 

وبقلة عقل حَبّك 

ده غاب تفكيري وعشقتك

وخاب أملي معاك كدبة 

كدبها قلبي صدقها  

لغيت تفكيري واخترتك 

 حكاوي زمان دي مش راجعة 

وما تتكلمش مش سامعك 

كفاية الكدب ده ف دمك 

ونفسي لوهم مش قابلة 

ده غاب تفكيري وعشقتك 

وخاب أملي معاك كدبة 

كدبها قلبي صدقها  

لغيت تفكيري واخترتك

 كتبت بتاريخ

 24/11/2009

NaBiL THaBeT

فاتت سنين

فاتت سنين

فاتت سنين وسنين .. وأنا قلبي لسه حزين
علي جرح جواه بقالو سنين
ولا الزمان قادر يمحيه .. ولا قلبي عارف يداويه
وانت السبب يا حبيبي فيه

جرحك في قلبي انا مش هنساه .. حتي لو قلبك ينساه
واقف مكاني وجرحك في بالي .. وقلبك ماشي يكمل خطاه
مابقيتش حاسس بقلبي اللي عاشق .. وسايب جراحك تموت هواه
ليه سايب جراحك تموت هواه

لو دي النهاية تبقي نهايتك .. جرحك مش نهاية الحياه
لو فينا خاين يبقي قلبك .. قلبي قاسي كتير وياه
ولسه فاكر أني عاشقك .. فوق بقي وقلبي انساه
أنا بس فاكر جرحك لقلبي .. وعايش مش عارف أداويه

فاتت سنين وسنين .. وأنا قلبي لسة حزين
علي جرح جواه بقالو سنين
ولا الزمان قادر يمحيه .. ولا قلبي عارف يداويه
وانت السبب يا حبيبي فيه

حمل من هنا بصوتي

كتبت بتاريخ
15/10/2006
جميع الحقوق محفوظة