كنت عاشق

كــــــــــــــــــــــــــنت عاشـــــــــــــــــــــــــــق

أنا كنت عاشق واحدة .. وف يوم سبتها

للي حيقدر يصونها .. ويحفظ عرضها

واخترت الوحدة ويّا عذابي من بعدها

وسابتني ولا سيبتها مش دي القضية

المهم تعيش بذكري جميلة ليا

وأفضل أنا أول حبيب ما بيتنسيش

وجه اليوم اللي العاشق منه بيخاف

قالتلي لازم تيجي ورحت يوم الزفاف

شوفت الفرح مرسوم في عينها وف عينيه

وقد ايه كان صعب أشوف ايدها ف ايديه

وسابتني ولا سيبتها مش دي القضية

المهم تعيش بذكري جميلة ليا

وأفضل أنا أول حبيب ما بيتنسيش

واللي كان شاهد علي حكايتنا بيواسيني

وأنا رافض أبين ضعف حابس دمع عيني

ولما جت عينها ف عينيا أنا ابتسمت

وهي ضحكت ضحكة فيها معني .. خلاص فهمت

وسابتني ولا سيبتها مش دي القضية

أنا كل حاجة جميلة كانت ليها هي

أنا الحبيب الأولاني .. مش حتنسي

جميع الحقوق محفوظة

كتبت بتاريخ

9/3/2010

حمل من هنا بصوتي

ولا فاهم

ولا فــــــــاهـــــــــم

ولا فاهم ليه بتعاند .. منا إتاخد .. عمر وضاع

أه يا دنيا خلاص سايبينك .. جينا نقول لك .. يلا وداع

أحلام .. بنحلم فيها بالجنة نلاقي النار

ملانا الضعف .. أقوي ما فينا عقل وطار

من التفكير .. ما خدناش غير .. 

ألام الحسرة علي كل اللي سابنا وراح

أوهام .. ساكنة فينا ان احنا لينا أحباب

تفوقنا الحياة من وهمنا بعذاب

كفاية سنينا بنعيشها لناس غيرنا 

حياتهم لينا باب مقفول

مفيش حنية بالقسوة .. ولا يبقى الأمان بالخوف

حنانهم لينا أحضان جناين شوك

ومهما دموعنا تنزل .. عمر يدبل .. 

تتبدل الأحوال ويفضل حالنا أسوأ حال

وداع يا دنيا وكفاية

أنا سايبك كده نهاية

لأول مرة .. مش مرة .. 

وأنا مفارقك يا دنيايا .. أنا فرحان

كتبت بتاريخ

3/3/2010

NaBiL THaBeT 

خايف

خــــــايـــــــــف

خايف عليك منها .. لا تعيش هوا ليلها

ماتشوفش تاني نهار

تعشق عيونها السود .. تمشي ف طريق مسدود

ترجع ضعيف منهار

جواها حب كبير .. شافت جراح وكتير

لو زاد عليهم جرحك

فضلت تداوي سنين .. من ويل عذاب وأنين

وساعتها مش هتسامحك

أنا مش بقولك سيبها .. ده انت اللي ليها حبيبها

ودي قلبها شاريك

لكن بقولك فكر .. لا ف يوم عليك تتغير

وانت اللي فيك ما فيك

واجهوا الحياة مع بعض .. ماتسيبش ليها البعد

والحيرة تشغل بالك

مستني ايه ما تروح .. ليها بغرامك بوح

بحبك قالتهالك

لو كل ده ومش شايف .. خليك كده خايف

والخوف ده هيخليك

تايه بين العيون .. بتدور فين تكون

هتلاقي حزن ماليك

كتبت بتاريخ

1/3/2010

أنا جنبك

أنا جنبك لو كان ما بينا بلاد .. حاسس بيكي

أنا جنبك لو بعدك زاد .. بشتاق ليكي

وبحبك أكتر يوم عن يوم

مش بعتب لكن ايوة بلوم

نفسي .. أنا كان نفسي .. أكون جنبك .. طول العمر

راجعين تاني مع بعض نعيش

وكفاية حبيبتي بعد مفيش

ولا شيء بعد لقانا يفرقنا .. تعبنا كتير

من اليوم ده خلاص هنحب وبس

ده غرامنا ملانا وايه يتحس

غير الأشواق من بعد فراق .. العمر ابتدي

أدي الأحلام وبتتحقق

أنا جنبك قالهالي مصدق

قلبي .. ان الدنيا بقت ف ايديا يا كل ما ليا .. بحبك موت

كتبت بتاريخ

2/3/2010

أخر ليالي العمر

أخــــــــــر ليالــــــــــــــي العمــــــــــــر

ياما حلمنا زمان .. وكل يوم بتزيد أحلام

ونكبر مهما نكبر .. أحلامنا معانا تكبر

وفي وسط ما احنا بنحلم

صحينا من كل الأوهام

ليالي العمر فاتت .. أحلامنا فيها ضاعت

حبينا فيها كتير .. كلو بنفس المصير

الحب فيها ضايع .. زي الأحلام ما ضاعت

ليالي العمر فاتت أحلامنا فيها ضاعت

يا خسارة العمر منا فات  

والماضي بقي ذكريات

والحاضر حتي ولا عيشناه

وأدينا دلوقتي عايشين

في أخر ليالي العمر

ليالي الحلو فيها مر

أكبر منايا اني أكون حر

وأخر منايا في أخر ليالي العمر

اني أعيشها بحلو من غير مر

كتبت بتاريخ

25/12/2006

أوان الحب

أوان الحـــــــــــــــــــــب

بحبك ولا لسه أوان الحب ما وصلنيش

وليه جنبك بحس حاجات وساعات مفيش

بقول بحبك وأعيش في قربك ناسي كل الناس

ولما تمشي الفرحة تمشي ويمشي ده الاحساس

بحبك ولا تايهه مشاعري بين سكون وكلام

بقرب ليكي وأبعد ليه تفوت أيام

وأنا وانتي مش عارفين ان كنا يوم عاشقين

ده القرب عادي والبعد عادي والله مش عارفين

أنا لما أكون مشتاق لحضنك وضحكتك أكون بحبك

لكن ده مش أكيد والشوق قريب وساعات بعيد

يبقي الجواب أنا قلبي داب ولا لسه ما جاش

أوان الحب ما وصلنيش حاسس حاجات ما وصلتكيش

جميع الحقوق محفوظة

كتبت بتاريخ

8/2/2009

عيون بتتكلم

عيــــــــــــون بتتكـــــــــــــلم

عيون بتتكلم .. كلام عينيها خلي قلبي يتألم

ماشين وهنكمل .. يا قلبي لا مش قادر أتحمل

وكفاية قوي اللي فات

أدي هواها بعد ما دوبنا بقي زكريات

مش قده ليه بنحلم بيه .. الغرام

يا قلبي ليه راضين نعيش .. أحلام

نصحي منها نداوي جراح .. وألام

ياقلبي لا مش قادر أتحمل

عيون بتتكلم

ومهما عينيها تقول كلام مسيره يموت في يوم

هواها عمره ما كان ولا هيكون دوا لهموم

ودموع عينينا عليها تنزل والله فات

وقت الندم ويا الألم

يا قلبي لا مش قادر أتحمل

مش قده ليه بنحلم بيه .. الغرام

يا قلبي ليه راضين نعيش .. أحلام

نصحي منها نداوي جراح .. وألام

يا قلبي لا مش قادر أتحمل

شكر خاص للشاعر الغنائي الكبير

محمد الصعيدي

كتبت بتاريخ

12/11/2007

جميع الحقوق محفوظة

لو مش أنا

لو مش أنا

لو مش أنا هيكون مين اللي بتحبيه؟

لو مش انا هيكون مين اللي حاسه بيه؟

دايما في بالي ان أنا .. ساكن في قلبك حاسه دا

حتى لو عنك قالولي .. مستحيل .. قلبك يقابل قلبها

أنا كنت شايف حبي باين في عينيكي قبل ما أحسه جوايا

أنا كنت شايف حبي باين من سلام نظرة وكلامك معايا

أنا جاي أقولك ليه بنعشق وأما نعشق مستحيل نبقي سوا مع بعضنا

مع ان قلوبنا دايبة في الغرام تايهة وتتمني القدر يجمعنا

عشان عايشين سكوت وقلوب تموت ولا تبين

ولما يضيع هوانا ده شيء عادي وهين

خايف قلبي يسلم ليكي .. وانتي أكتر مني خايفه

مع ان حبي عشانك انتي .. وانتي بيا بقلبي حاسه

دايما بنعشق وأما نعشق مستحيل نبقي سوا مع بعضنا

لو مش أنا قوليلي مين اللي انتي بتحبيه؟

لو مش أنا غرام سنين ازاي أنا أخبيه؟

جميع الحقوق محفوظة

كتبت بتاريخ

7/1/2008

نفسي

نفسي
******
نفسي مرة تحسى بيا .. حسي بالشوق اللي فيا
نفسي ليكي أعيش حياتي .. ده انتي أغلي من حياتي

صدقيني عليكي خايف .. ببقى جنبك ببقى شايف
أحلي مافي الحياة
عمر قلبي ماحس غيرك .. ده انتى روحي ونفسي أجيلك
قلبي محتاجلك معاه

طب مين هيحس بيا .. طب مين هيخاف عليا
بعد منك مين
طب مين دايما معايا .. ساكن قلبى وهوايا
غيرك انتي مين

نفسي أقول كلمة بحبك..نفسي أقولها بس خايف
مايحسش بيها قلبك..أعمل ايه ما أنا عارف
عارف انتي فين وأنا فين
بيني وبينك مشوار سنين

لكن عندي أمل .. هوصلك في يوم أكيد
مهما كان هوانا .. في عيون الناس بعيد

****************

جميع الحقوق محفوظة

كتبت بتاريخ

10/12/2007

احساسي

احساسي

يا حبيبتي مين حاسس باحساسي

أنا ليه بتوه وأنا بين ايديكي قولي ليه

احساس غريب بياخدني بيه ناسي

أنا كنت مين قبل أما أقابلك كنت ايه

احساسي مش بكلام حقولو يتوصف

احساسي انتي حاسة بيه قلبي عرف

بنظرة كانت من عينيكي أهو اتخطف

كان يوم لقاكي حبيبتي أه أحلي الصدف

أول عينيكي ما جت ف عيني قلبي دق

وبسرعة قلبك حن ليا قوام ورق

وبتسأليني لو ف يوم قلبي عشق

قبلك حبيبتي صدقيني والله لأ

يا حبيبتي مين حاسس باحساسي

احساس غريب خلاني لكل شيء ناسي

**********

كل عيد حب وانتوا عايشين ف حب

الشاعر الغنائي / نبيل ثابت