ناديها يا قلبي

ناديهــــــــــا يا قلبـــــــــــي
وناديها يا قلبي وقولها لها .. أنا عاشق دايب في جمالها
أنا كنت راسمها في أحلامي .. ومابقيتش خيال أيوة شايفها
وناديها يا قلبي وما تسيبهاش
غير في حضنك ده لو ما جاش
اليوم وأنا .. وهي سوا .. حخسر كتير .. هي المنى

وناديها يا قلبي واتكلم .. لو تسكت أنا كده بتألم
شوف حكايات عشاق تانيين .. اسمع كلامهم واتعلم
وناديها يا قلبي وما تسيبهاش
غير في حضنك ده لو ما جاش
اليوم وأنا .. وهي سوا .. حخسر كتير .. هي المنى

مستني ايه ما خلاص أذنت .. لينا بغرامها ليك شاورت
انت اللي خايف حد يخاف .. من عيون مالت ضحكت
وناديها يا قلبي وما تسيبنيش
واقع في حيرة أنا ليها بعيش
يعني لو تسكت أنا .. معنى الحياة عندي انتهى
حخسر كتير .. هي المنى


كتبت بتاريخ
26/5/2010

محتاجلك

محتــــــــــاج لــــــــــــك

محتاجلك جنب مني .. محتاج حبة حنان

طال غيابك عني .. ومش حاسس بالأمان

ما انتي عارفة تغيبي ثانية .. دي عندي تفوت سنين

من يوم ما غيبتي عني .. ومش عارف أنا مين

خلاص ما بقيتش عارف أعمل ايه وعني بعيد

حبيب عمري .. وحياتي بعدو ما فيهاش جديد

مرتاح هو في بعادو .. مرتاح وأنا وحيد

محتاجلك حسي حالي .. محتاجلك طفي ناري

مش عارف ايه جرالي .. مشتاق وازاي أداري

ماانتي عارفة أنا قلبى دايب .. حسى بيا وحسى بيه
مش هعيش والحب غايب .. حسى بيا جرالك أيه

خلاص مابقيتش عارف أعمل أيه وعنى بعيد
حبيب عمري .. وحياتي بعدو ما فيهاش جديد
مرتاح هو فى بعادو .. مرتاح وأنا وحيد

NaBiL THaBeT

وفـــــــي المـــــــــوت حيــــــــــــــاة

وفــــــــي المــــــــــوت حيـــــــــــــــــــاة

عجيب عنوان المقال .. ولكنها الحقيقة لأن الحقيقة التي لا يستطيع أحد أن ينكرها
أن هناك حياة بعد الموت , وهي حياة دائمة خالدة , وهي اما نعيم في جنة الخلد
, أو جحيم في نار جهنم .. وكلاهما أبدي ودائم , فلا موت بعد الموت ..
نعم .. مات الموت.

وفي الموت حياة .. حقيقة يوقن بها المؤمن ويعيش سنواته المحدودة
وهو ينتظر الموت في أي لحظة .. ينتظر هذا المفتاح السحري ..
الذي سيغلق عليه باب الحياة الفانية .. ويفتح له باب الحياة الدائمة ..
وهنا يكون فعلا في الموت حياة.

وفي الموت حياة .. حقيقة يهرب منها بل وينكرها العاصي والكافر
لأنه يتمسك بالدنيا وما فيها .. ويهرب من الموت .. ويمني نفسه
بنعيم الدنيا وهو في الحقيقة زائل لا محالة , ولا وجه للمقارنة بين
نعيم الدنيا ونعيم الأخرة .. ولكنها اختلاف طبيعة النفس البشرية
من انسان لأخر.

اذا كانت هناك حقيقة بينة في هذه الدنيا .. فهي الحقيقة التي لا تترك
أبدا مجال للشك .. وهي حقيقة الموت,
في باطن هذا المعني .. وهو الفناء للحظة الموت ..هذا الفاصل الزمني
بين حياته قبل الموت , وحياته بعد الموت , حقيقة أنه ..
في الموت حياة.

مقال بقلم / نبيل ثابت

كتب بتاريخ
6/9/2009

ما زال في العمـــــــــر بقيـــــــــة

مازال فــي العمـــــــــر بقيـــــــة

لماذا دائما أبحث عنكِ ؟

وأشغل تفكيري بكِ ؟

أهو عشق لهذا العذاب ؟

عذاب بإحساسات الحب والفراق ؟!

أه من مأساتك أيها العاشق

أدمنت عذاب من تحب

أصبح الهوى كله بالنسبة لك إدمان

ليس الهوى في حد ذاته .. ولكن عذابه !

فأنت لم ترى هناءً في غرامك قط

كل ما تلقاه في هذا العشق آلام فقط

آلام البعد والجرح والحيرة والإنتظار

وأخيرا .. ألم الفراق المنتظر !

هنيئا لك كل هذه المآسي ,

وانتظر المزيد

مازال في العمر بقية 

ومازال في القلب مكان لجراح أخرى !!

خاطرة بقلمي

كتبت بتاريخ

8/2/2010

نبيـــــل ثابـــت

فوضــــــــت أمــــــــــري

الحكاية في كلمتين

فوضـــت أمـــــــري

الحكاية في كلمتين .. مين اللي ظالم مين بريء

مين اللي عاش العمر يهرب .. من هروب لهروب جديد

كل مرة تقولي راجعة .. وف رجوعك تاه طريق

غربة أكتر .. خوف بيكبر .. كل خوفي تروحي بعيد

وماترجعيش

نفسي أشوفك .. وأملي خوفك .. بالأمان

أمسح دموعك .. يوم رجوعك .. واللي كان

ننساه

هي كلمة وحتقوليها .. للي ظلمك

للي خلاكي سيبتي الحياة .. وضيعتي نفسك

مسامحاه

وفوضت أمري فيه .. لله

احنا كنا اتنين حبايب .. وخلاص يدوب بندوب

فجأة سيبتيني وضعتي .. من هروب لهروب

ايه اللي خدناه من غرامنا .. غير ألام الفرقة ساكنة

فينا شيء جوانا أخرس .. نفسه يصرخ .. 

شوقنا ليه حابساه وليه

ما بترجعيش

نفسي أشوفك .. وأملي خوفك .. بالأمان

أمسح دموعك .. يوم رجوعك .. واللي كان

ننساه

هي كلمة وحتقوليها .. للي ظلمك

للي خلاكي سيبتي الحياة .. وضيعتي نفسك

مسامحاه

وفوضت امري فيه .. لله

جميع الحقوق محفوظة

كتبت بتاريخ

23/3/2010

كنت عاشق

كــــــــــــــــــــــــــنت عاشـــــــــــــــــــــــــــق

أنا كنت عاشق واحدة .. وف يوم سبتها

للي حيقدر يصونها .. ويحفظ عرضها

واخترت الوحدة ويّا عذابي من بعدها

وسابتني ولا سيبتها مش دي القضية

المهم تعيش بذكري جميلة ليا

وأفضل أنا أول حبيب ما بيتنسيش

وجه اليوم اللي العاشق منه بيخاف

قالتلي لازم تيجي ورحت يوم الزفاف

شوفت الفرح مرسوم في عينها وف عينيه

وقد ايه كان صعب أشوف ايدها ف ايديه

وسابتني ولا سيبتها مش دي القضية

المهم تعيش بذكري جميلة ليا

وأفضل أنا أول حبيب ما بيتنسيش

واللي كان شاهد علي حكايتنا بيواسيني

وأنا رافض أبين ضعف حابس دمع عيني

ولما جت عينها ف عينيا أنا ابتسمت

وهي ضحكت ضحكة فيها معني .. خلاص فهمت

وسابتني ولا سيبتها مش دي القضية

أنا كل حاجة جميلة كانت ليها هي

أنا الحبيب الأولاني .. مش حتنسي

جميع الحقوق محفوظة

كتبت بتاريخ

9/3/2010

حمل من هنا بصوتي

ولا فاهم

ولا فــــــــاهـــــــــم

ولا فاهم ليه بتعاند .. منا إتاخد .. عمر وضاع

أه يا دنيا خلاص سايبينك .. جينا نقول لك .. يلا وداع

أحلام .. بنحلم فيها بالجنة نلاقي النار

ملانا الضعف .. أقوي ما فينا عقل وطار

من التفكير .. ما خدناش غير .. 

ألام الحسرة علي كل اللي سابنا وراح

أوهام .. ساكنة فينا ان احنا لينا أحباب

تفوقنا الحياة من وهمنا بعذاب

كفاية سنينا بنعيشها لناس غيرنا 

حياتهم لينا باب مقفول

مفيش حنية بالقسوة .. ولا يبقى الأمان بالخوف

حنانهم لينا أحضان جناين شوك

ومهما دموعنا تنزل .. عمر يدبل .. 

تتبدل الأحوال ويفضل حالنا أسوأ حال

وداع يا دنيا وكفاية

أنا سايبك كده نهاية

لأول مرة .. مش مرة .. 

وأنا مفارقك يا دنيايا .. أنا فرحان

كتبت بتاريخ

3/3/2010

NaBiL THaBeT 

خايف

خــــــايـــــــــف

خايف عليك منها .. لا تعيش هوا ليلها

ماتشوفش تاني نهار

تعشق عيونها السود .. تمشي ف طريق مسدود

ترجع ضعيف منهار

جواها حب كبير .. شافت جراح وكتير

لو زاد عليهم جرحك

فضلت تداوي سنين .. من ويل عذاب وأنين

وساعتها مش هتسامحك

أنا مش بقولك سيبها .. ده انت اللي ليها حبيبها

ودي قلبها شاريك

لكن بقولك فكر .. لا ف يوم عليك تتغير

وانت اللي فيك ما فيك

واجهوا الحياة مع بعض .. ماتسيبش ليها البعد

والحيرة تشغل بالك

مستني ايه ما تروح .. ليها بغرامك بوح

بحبك قالتهالك

لو كل ده ومش شايف .. خليك كده خايف

والخوف ده هيخليك

تايه بين العيون .. بتدور فين تكون

هتلاقي حزن ماليك

كتبت بتاريخ

1/3/2010

أنا جنبك

أنا جنبك لو كان ما بينا بلاد .. حاسس بيكي

أنا جنبك لو بعدك زاد .. بشتاق ليكي

وبحبك أكتر يوم عن يوم

مش بعتب لكن ايوة بلوم

نفسي .. أنا كان نفسي .. أكون جنبك .. طول العمر

راجعين تاني مع بعض نعيش

وكفاية حبيبتي بعد مفيش

ولا شيء بعد لقانا يفرقنا .. تعبنا كتير

من اليوم ده خلاص هنحب وبس

ده غرامنا ملانا وايه يتحس

غير الأشواق من بعد فراق .. العمر ابتدي

أدي الأحلام وبتتحقق

أنا جنبك قالهالي مصدق

قلبي .. ان الدنيا بقت ف ايديا يا كل ما ليا .. بحبك موت

كتبت بتاريخ

2/3/2010

أخر ليالي العمر

أخــــــــــر ليالــــــــــــــي العمــــــــــــر

ياما حلمنا زمان .. وكل يوم بتزيد أحلام

ونكبر مهما نكبر .. أحلامنا معانا تكبر

وفي وسط ما احنا بنحلم

صحينا من كل الأوهام

ليالي العمر فاتت .. أحلامنا فيها ضاعت

حبينا فيها كتير .. كلو بنفس المصير

الحب فيها ضايع .. زي الأحلام ما ضاعت

ليالي العمر فاتت أحلامنا فيها ضاعت

يا خسارة العمر منا فات  

والماضي بقي ذكريات

والحاضر حتي ولا عيشناه

وأدينا دلوقتي عايشين

في أخر ليالي العمر

ليالي الحلو فيها مر

أكبر منايا اني أكون حر

وأخر منايا في أخر ليالي العمر

اني أعيشها بحلو من غير مر

كتبت بتاريخ

25/12/2006