أول حب

 

أول حب ده يعني أول نظرة عين

أول دقة قلب وأول شوق وحنين

أول إحساس بالإحساس

لما قابلت أعز الناس

اللي خطفني ملكني وعيشني في هواه

وده كان أول حب قابلته وسنين عاش

لسه مكمل وأنا عن حبه ما استغناش

كل كلام الحب اتقال

لأ لسه كلام

طول ما حبيبي معايا 

وبتفوت الأيام

أيام حب وأيام فرح

أيام أحلى وأحلى معاه

وده كان أول حب قابلته وعيشت معاه

أحلى سنين من عمري وإيه تاني أتمناه 

 

كتبت بتاريخ

18/12/2016

NaBiL THaBeT

قلبك

 

قلبك
كان حنين قوي على قلبي
كان بيعرف مهما أخبي
كان الوحيد اللي بيفهمني
قلبك كان وكان

مالك
إيه اللي فجأة إتغير فيك
ما بتسمعنيش مهما أناديك
يعني هتحايل عليك
مش هيحصل مهما كان

آسف 
 تعبتني في هواك  
روح غير الطريقة
خايف 
 من وجودي معاك
وهي دي الحقيقة
شايف
وصلنا لفين حبيبي
مات الحب في دقيقة

حبك
كان حياتي وكل ما ليا
وصلنا ليه للدرجة ديا
أهون عليك وتهون عليا
راح فين حنانك والأمان

شالك 
قلبي فيه شيلتك في عينيا
كنت عايش بين إيديا 
جيبت منين القسوة ديا
ما كانش ده طبعك زمان

آسف 
 تعبتني في هواك  
روح غير الطريقة
خايف 
 من وجودي معاك
وهي دي الحقيقة
شايف
وصلنا لفين حبيبي
مات الحب في دقيقة

 كتبت بتاريخ
15/9/2014

كلمات / محمد يحيى
& 
نبيل ثابت 

دايب

قدام عينيا وبلمسك .. أنا مش مصدق

كان نفسي بس أكلمك .. دلوقتي بعشق

ودايب فيك حبيبي .. عاشق وبقول كلام

وبقيت لي من نصيبي .. الله على الغرام

فهمني إزاي قدرت .. تعلق قلبي بيك

مابقاش يستغنى عنك .. مابقاش غير بس ليك

ودايب فيك حبيبي .. عاشق سحر العيون

لو إنت مش نصيبي .. طب قوللي لمين أكون

طمني عليك يا غالي .. سهران طول الليالي 

مشغول دايما عليك .. مشغول دايما ده حالي

ودايب فيك يا غالي .. واخد كل إنشغالي

ومعايا أو بعيد .. دايما والله في بالي

أنا كل الناس نسيت .. وإنت اللي ما تتنسيش

أنا أهو دلوقتي جيت .. أقولك ليك هعيش

ودايب فيك وعايش .. أجمل ليالي معاك

لو فين ماتروح هجيلك .. إخترت أكون وياك

كتبت بتاريخ

26/7/2015

NaBiL THaBeT

واحدة وراحت

أدي واحدة وراحت

والوحدة وراها جت وراحت

عادي ماهيش فارقة

روحي لسه موجودة ولا راحت

أيام بتعدي من عمري 

بيكي ومن غيرك ولا عمري 

هندم ولا أقول أنا محتاجلك

تعاليلي يا عمري 

وداع بوداع

إيه يعني محدش ضاع

بعد الفراق يا فراق

قلبي قادر يشتاق

حدوّر بين القلوب

على قلب أحبه وأدوب

خليكي كده عايشة في وحدة

عن حبك قادر أتوب

وراكي أنا هقفل باب

جالي منه كل العذاب

عن كل اللي كان ما بينا

سايبلك كشف حساب 

وداع بوداع

إيه يعني محدش ضاع

بعد الفراق يا فراق

قلبي قادر يشتاق

كتبت بتاريخ 

23/11/2013

NaBiL THaBeT 

قلبك إنتي

فيه ف حياتي ناس غاليين

ناس بعــــيش ليهم حياتي

إنتي أغلى من الجميع

إنتي ليا كل حياتي

مع مين بسهر وبحكي بالساعات

مع مين بقول كل تفاصيل الحاجات

مع قلبك إنتي .. يا حبيبتي

ومين بتمنى أعيش عمري كله معاه

مين ملكني وخلى قلبي كده يهواه

قلبك إنتي .. يا حبيبتي

بحبك وحبك من الدنيا دي كفاية

بحبك بحبك يا حبيبتي للنهاية

بحبك وحبك حلى لي دنيايا

بحبك بحبك يا فرحي وهنايا 

كتبت بتاريخ

28/6/2019

NaBiL THaBeT 

مصدومة فيك

أول كلامي معاك بحبك .. قولتها

مالقيتش منك رد قلبك .. صدها

كان أملي فيك .. إنك تدواي جراحي .. زادت

ومابين إيديك .. أجمل مشاعر فيا .. ماتت

مصدومة فيك 

في عز ما أنا محتاجة ليك 

سيبتني ومشيت 

وسيبت ظني يجرَح فيك

من جرح فيا 

أول كلامي معاك .. خايفة من حياتك

بيني وبينك ألف ميل .. والخطوة شوك

كان وعدك ليا تفضل معايا .. وخنت وعد

والليلة هي دي النهاية .. سيبنا بعض 

مصدومة فيك 

في عز ما أنا محتاجة ليك 

سيبتني ومشيت 

وسيبت ظني يجرَح فيك

من جرح فيا

كتبت بتاريخ

3/1/2010

NaBiL THaBeT 

إنتي الحياة

عيشت اللي عيشته 

من حياتي قبل منك

ياريته كان جوة حضنك

حضنك دفا .. حضنك أمان

قبلك ما حسيتش بحنان

جنبك بعيش أجمل حياة

إنتي الحياة

إنتي اللي عيشت أرسم صورتها في خيالي

وبقيتي ليا حقيقة واقفة بجد قدامي 

وده مش خيال .. أنا قلبي مال

وليكي قال .. بهواكي يا شمس الحياة

إنتي الحياة 

إنتي نور نوَر حياتي بعد ليـــــل 

إنتي الكلام كل الكلام فيكي قليل

إنتي اللي خليتي قلبي قوام يميل

وإني أسيبك من إيديا ده مستحيل

ده إنتي الحياة

كتبت بتاريخ

26/6/2019

NaBiL THaBeT 

عجزنا

عجزنا عجزنا

كبرت ملامحنا

وبانت التجاعيد

الشيب عمال يزيد

كإنه نار بتقيد

وتشوفني من بعيد

تديني كام سنة ؟!

صدقني مش بالعمر

العمر لسه صغير

ماشية السنين بتمر

ومعاها متحيَّر

من كتر دوق المر

شكلك كده اتغيَّر

كبرت قبل أوانك

عمر اتسرق منك

إديت للناس حنانك

أذوك ياما ف قلبك

خلاص راح زمانك

ومين فضل جنبك ؟!

لسه قادر تحب ؟

لسه قادر تكمل ؟

بتقولي عندك قلب ؟

وجراح بيتحمل ؟

صدقني كل ده كدب

إنت اللي بتجمل !!

شخبط على الأحلام

ولا شيء بيتحقق

بقيت خايف تنام

على طول كده مقلّق

كئيبة دي الأيام

راحت عليك صدّق

كتبت بتاريخ

8/7/2021

NaBiL THaBeT

فيها شيء مميز

فيها شيء مميز 

الحاجة جنبها تتميز

وجمالها .. زايد لأ مبهر

والنظرة .. النظرة بتسحر

وأنا كنت بدور ع العادي

وده كان قبل ما أشوفها قصادي

علت سقف طموحي وخلت

خلتني أحب الدنيا دي

اختلفت نظرتي للكون

وبقيت بعشق بجنون

بتمنى بتمنى يطول

عمري معاها

عملت إيه فيا 

ولا داري باللي حواليا 

بيها أنا مشغول

أنا بهواها 

فيها شيء خرافي 

رجعتلي العمر الدافي

هي نبع الحب صافي 

وجودها ف حياتي كافي

كتبت بتاريخ

21/7/2021

NaBiL THaBeT 

روح الروح

ولما بقول وحشتيني 

بقولها بقلبي وبعيني 

وبتحسي اللي جوايا 

غرامي ليكي وبيكبر 

ولما بقول أنا بحبك 

بحس النبض في قلبك

تزيد دقاته واللهفة

تبان بعد الغياب أكتر 

وحشتي قلبي وعينيا

وحشني لمسة لإيديا

وحشني كل ما فيكي

يا روح الروح

أنا مشتاق لمواعيدنا 

وأيام حلوة تجمعنا

أنا مشتاق أروح ليكي

يا روح الروح

ولما أسمع أنا صوتك

بتحلى الدنيا بوجودك

بحس براحة وأطمن

مادام إنتي حبيبتي بخير

ولما تقولي أنا بحبك

حبيبي بكرة أكون جنبك

بحس براحة وأطمن

بكون نفسي ليكي أطير

كتبت بتاريخ 

7/7/2019

NaBiL THaBeT