الشوق جمعنا

 

كل اللي إنتي بتتمنيه .. أنا بتمناه
واللي عيشتي بتستنيه .. أنا بستناه

وخلاص الشوق جمعنا
والحب جه دوبنا
وخلاص بقينا لبعض
ومفيش حاجة تفرقنا

كل اللي إنتي بتحبيه .. أنا حبيته
كلامك قبل ما تقوليه .. أنا حسيته

قلبك حسني وكان قلبي حاسس .. فتكلمت
ماقدرتش أخبي وقالها قلبي .. قال عشقت

وخلاص الشوق جمعنا
والحب جه دوبنا
وخلاص بقينا لبعض
ومفيش حاجة تفرقنا

إحنا الاتنين .. أجمل حبيبين
وكده لايقين .. على بعض
نفس الإحساس .. غير كل الناس
وبقينا خلاص .. بنكمل بعض

NaBiL THaBeT 

23/9/2015

خطاط الغرام

الحب القديم

فاتت سنين .. قالوا السنين .. بتنسي
ما نسيتش ليه .. وبحن ليه .. يونسني

ده الحب القديم الأول أول حب كان
الحب اللي لسه معلم علمني وبان
بان أثره وبفتكره في كل زمان

أنا نفسي أقابله مرة تانية
حتى أشوفه من بعيد
عينيا تيجي في عينه ثانية
يفرح قلبي من جديد
دي ذكرياته معايا عايشة
ولا يوم هتموت أكيد

ده الحب القديم الأول أول حب كان
الحب اللي لسه معلم علمني وبان
بان أثره وبفتكره في كل زمان

أنا عارف إنه النصيب
وماكانش نصيبي أبدا
لكنه كان ليا الحبيب
وحيفضل حبيبي دايما
و بعيد لكن قريب
لإنه في قلبي ساكن

ده الحب القديم الأول أول حب كان
الحب اللي لسه معلم علمني وبان
بان أثره وبفتكره في كل زمان

10/4/2016
NaBiL THaBeT
خطاط الغرام 

جت عيني في عينيه

 

جت عيني في عينيه سلمت عليه وإفترقنا

وكإن الوقت بيرجع بينا لفراقنا

نفس المشهد والناس ماشيين

وإحنا الإتنين بنودع بعض

نفس الكلمة برضو إتقالت

خد بالك من نفسك في البعد

ومفيش كلام إتقال تاني بعد الكلام ده

سيبنا الدموع للعيون تفوقنا

ومفيش لقا خلصت خلاص مواعيدنا

يمكن نتلاقى صدفة زي النهارده

جت عيني في عينيه سرحت فيه و اللي جرالنا

معقول زيي بيعاني وبيحن لأيامنا ؟!

سؤال سألته لنفسي إن كنت أنا حنيت

لمكان لقانا وبعد فراقنا جيت

إيه اللي جابك حبيبي شوقك ولا دي أوهام

لو كان ده وهم جاوبني ليه يا حبيبي جيت ؟!

ومفيش كلام إتقال تاني بعد الكلام ده

سيبنا الدموع للعيون تفوقنا

ومفيش لقا خلصت خلاص مواعيدنا

يمكن نتلاقى صدفة زي النهارده

NaBiL THaBeT 

خطاط الغرام 

حبيتها أكيد

 

فيه واحدة من أول كلمة قالتهالي
صحت أشواقي وإتغيّر حالي
بقى مشغول دايماً بيها بالي
وشايفها حقيقة وفي خيالي
دايماً ويايا ف كل مكان وفي أحلامي

حبيتها أكيد وبقت بالنسبة لي
أغلى وأجمل حاجة ف حياتي
حبيتها أكيد دي مكتوبالي
تبقى نصيبي ونصي التاني

ومن تاني أنا وهي بقينا لبعض
بعد البعد بعد الغيبة والمسافات
دي واحشاني وعشان فيه وعد
بعد البعد نتلاقى فنتلاقى

ومن تاني أنا وهي سوا بنعيش
وما بنحكيش 

عن الماضي خلاص أهو فات
دي شارياني وأنا شاري
وقلبي خلاص بقى ناوي

 ليها يعيش

24/3/2017

NaBiL THaBeT 

خطاط الغرام 

غربة

 

حلم .. ورا حلم 

كان نفسي يتحقق وضاع

ألم .. ورا ألم 

عديت كتير أوجاع 

وخلاص وصلت لمرحلة

 أشبه بالضياع 

أحلام ورا أحلام 

كانت آخرها آلام 

فجأة سكت الكلام 

وإتكلمت أحزان

غربة .. وحدة .. وشوش من غير ملامح

وناس .. ماشيين .. فيه منهم جاي ورايح

تقابل .. تفارق .. بتتلاقى المصالح

فتعشق .. وتكره .. عشان ولا حد واضح 

فتبعد .. وتفقد .. إحساسك بالحياه

في غربة .. ووحدة .. وعمر في منتهاه

NaBiL THaBeT 

16/12/2016

خطاط الغرام

تعالي نجدد الأيام

تعالي نحكي ونتكلم

ونعيد أيام زمان

تعالي أقولك بحبك 

وإنتي تقوليها كمان

بطلنا نقولها ليه؟ 

شغلنا عنها إيه؟
الحب ما بينا عايش 

هيعيش طول الزمان

أنا جاي الليلة ليكي بشوق 

أول يوم قابلتك
أنا جاي الليلة طاير فوق 

فرحان إني هقابلك

تعالي نجدد الأيام 

ونقول تاني أحلى كلام
تعالي نعيش وننسى

أي يوم كان فيه آلام

ده إحنا إتعذبنا ياما 

ونسينا الإبتسامة
يا حبيبتي تعالي نحلم 

ونحقق الأحلام

أنا جاي الليلة ليكي بشوق 

أول يوم قابلتك
أنا جاي الليلة طاير فوق 

فرحان إني هقابلك

NaBiL THaBeT 

22/12/2015

من نظراتي

 من نظراتي

تاه عنواني

من نظراتي معاها قالوا مالك بيها ؟

قولت ماليش أنا حاجة فيها

واللي إختاره قلبها هو اللي مهنيها

أما أنا عيشت سنين بحلم بهواها

وبعد الحلم صحيت

فجأة لقيت الحلم كابوس

وإني أكون وياها ده شيء ميؤس

أدي الحلم إتحول فجأة وبقى شيء عادي

إنها تبقى بعيد أو حتى تبقى قصادي 

ما أنا كده كده بتعذب 

لا أنا بنساها ولا بتهواني

واحد تاني شاغلها

وتاه منها عنواني

وأنا كده كده مش لاقي نهاية 

لحيرتي معاها كمان

صعب إني أفضل عايش وحدي

أنا تعبان

كل ما بعشق تاني بيرجع جرح زمان

وأدي نهايتي تاه عنواني ماليش مكان !!

NaBiL THaBeT 

2008

دبلة في الشمال

 

زي أول مرة شوفتك من سنين 

لسه صوتك دافي لكن ليه حزين

ليه إيديكي بترتعش 

وعينيكي ليه متحيرين

ليه عيونك في دموعك غرقانين ؟ 

ده أنا كنت سايبك 

وإنتي طايرة من السعادة 

دلوقتي مالك ؟

ليه ملاكي الحزن بزيادة

ليه وليه ؟ بسأل ولا لاقي رد

فهمت ، ماقدرتيش تصوني العهد

زي أول حب حبيته زمان

نفس البداية والنهاية وياما كان

قلبي بيعشق ناس

وناس بتبيع

إيه اللي في إيديكي دي ؟

دبلة في الشمال !

بقى كان صحيح كلام الناس ؟

الكل قال

كدبتهم ، صدقت قلبي ، طلع كداب

ده أنا كنت متغرب عشان 

نفرح في يوم ما أرجع

رتبتي  كل حاجة

خليتي الفرح يوجع !

ليه وليه ؟ بسأل ولا لاقي رد

ليه ما قدرتيش تصوني العهد 

NaBiL THaBeT 

2013

فات الأوان

 

زي النهاردة كانت

من بختي ومن نصيبي

العشرة عليها هانت

قالت ده كان حبيبي

إخترنا طريق البعد

عاندنا وسيبنا بعض

ولما فوقنا كان 

خلاص فات الأوان

زي النهاردة كانت

معايا وبين إيديا

ليه قالت وداع ؟

وليه هانت عليا ؟

سيبتها ومشيت أوام

ونهيت الكلام

ولما فوقت كان

خلاص فات الألوان  

NaBiL THaBeT 

2021

جمالها مش طبيعي

 واحدة شيك وذوق

إحساسها عالي فوق

إصحى يا قلبي فوق

روح وإنده لها

شوف لنا طريقة

لعيونها الجريئة

خطفتني ف دقيقة

روح وإنده لها

جمالها مش طبيعي

جمال فوق الخيال

وجودها لوحده يبهر

من غير كلام يتقال

عليها طلة غير

جت قلبت المكان

خلتني عايز أطير

وأعمل حركات جنان

حواليا الناس كتير

ولا شايفة عيوني غيرها

دي تشوفها مرة واحدة

طول عمرك تفتكرها

تسرح وتروح بعيد

وتفكر في الحياة

اللي هتكون معاها

ياقلبي أجمل حياة

جمالها مش طبيعي

جمال فوق الخيال

وجودها لوحده يبهر

من غير كلام يتقال

عليها طلة غير

جت قلبت المكان

خلتني عايز أطير

وأعمل حركات جنان

25/9/2022

NaBiL THaBeT 

كسرت خوفي

 

أنا كنت خايف أقرب منك وإنتي كمان 

خايفة ولو كل العشاق زينا خايفين

ماكانتش عاشت أي حكاية حب وتاهت

ويا الخوف إزاي نخاف ونقول عايشين

كسرت خوفي ويا كسوفي

ومن الكلام أنا قولت كتير

قولت بحبك وحن قلبك

وقال كلام ، كلام كبير

بحبك ياللي كنت من هواكي خايف أقرب

بحبك ياللي قلبك كان تملي بيهرب

بحبك ياللي عيشتي سنين في أحلامي

سنين أنا كنت فيها خايف ساكت كلامي

كسرت خوفي ويا كسوفي

ومن الكلام أنا قولت كتير

قولت بحبك وحن قلبك

وقال كلام ، كلام كبير

NaBiL THaBeT 

15/4/2008

كانوا حبايب

 

كانوا حبايب عمرنا

عايشين حياتهم جنبنا 

مابيرتاحوش غير في حضننا

وفجأة بعدوا عننا

دلوقتي في جراحنا سابونا

وفي النار رامونا

وللأحزان سلمونا

أنا وإنت يا قلبي معاهم بنتألم

أنا وإنت يا قلبي تعبنا نتكلم

يا قلبي ماتلومشِ عليهم

يا قلبي بكرة مش ليهم 

كانوا حبايب غدارين

بيخدعونا وكدابين

شافوا منا الخير سنين

ردوه أذية الغدارين

أنا وإنت يا قلبي معاهم بنتألم 

أنا وإنت يا قلبي تعبنا نتكلم

يا قلبي ماتلومشِ عليهم

يا قلبي بكرة مش ليهم

NaBiL THaBeT

2006

كلمات / 

محمد محمود & نبيل ثابت

ده قدرنا

 

ده قدرنا يا قلبي نقابل ناس

ولا عرفوا في يوم معنى الإحساس

في حياتهم مفيش إخلاص

وياريت ننساهم ما خلاص

نسيونا يا قلبي ولا عدناش

الحضن الدافي لقلوبهم

ورمونا يا قلب في وسط النار

بانوا وبانت قسوتهم

ده قدرنا يا قلبي نحب نقابل كره

وأما نقرب من حبايبنا نلاقي البعد

ووفينا لقينا جزائنا خيانة

خلاص إكتفينا ولكل شيء نهاية

نسيونا يا قلبي ولا عدناش

الحضن الدافي لقلوبهم 

ورمونا يا قلبي في وسط النار

بانوا وبانت قسوتهم

ده قدرنا يا قلبي نعيش أحزان

وياريت نقدر على النسيان

NaBiL THaBeT 

2007

أيام صعبة

 

أيام صعبة .. ما كانت سهلة
كانت سهلة عليك
أيام صعبة .. إيه صَعبَّها
صَعَّبتها بإيديك

كان قدامك أسهل حل
إنت إخترت الأصعب
دلوقتي الحلول أقل
وأنا منها أصلا بتهرب

أيام صعبة عذابك زايد
راحت راحتك مالقيتهاش
كنت زمان فيا بتعاند
قولتلي هبعد قولت بلاش

أديك مستني أقولك ترجع
وأنا أبداً ما أقولهاش
عرفت إزاي البعد بيوجع
ولا قلبك ما استكفاش

كان قدامك أسهل حل
إنت إخترت الأصعب
دلوقتي الحلول أقل
وأنا منها أصلا بتهرب

NaBiL THaBeT 

14/9/2016

حكايتنا فرحتنا

 

فرحتنا فرحتنا .. تكمل بلمتنا
دايما متجمعين
حكايتنا حكايتنا .. حلوة بإحساسنا
إحساس عاشقين

سنين ومكملين .. مع بعض وفرحانين
يتمنوا الناس يعيشوا .. حياتهم زينا
نحلم ونتمنى .. نسعى لأحلامنا
وراها لحد ما نطولها .. حياتنا ملكنا

تعالوا اتفرجوا .. تعالوا منا اتعلموا
إزاي بنعدي صعب .. بقى سهل بعقلنا
مش خالية م المشاكل .. حياتنا ولا بالساهل
طريق مليان بشوك .. بنخطيه بحبنا

السر ف التفاهم .. ده أساسي لابد لازم
خلافنا يزيدنا قرب .. مش تقليل المحبة
بنكمل أي نقص .. وكلامنا تملي همس
عايشين حكايتنا حب .. بيكبر حبة حبة

حكايتنا فرحتنا .. تكمل بلمتنا
دايما متجمعين
حكايتنا فرحتنا .. حلوة بإحساسنا
إحساس عاشقين

NaBiL THaBeT

2022

باب السعادة

 

تعالَى نفتح .. باب السعادة .. تعالى نِفرَح
قِرَّب حبيبي .. قَرَّب زيادة .. قُربك يفرِح

قلبي طاير من الفرح .. قلبي لا ولا يوم جرح
إنت مكافأة وهدية .. والبال وياك سرح

سرحت معاك نسيت .. كل الهموم ولقيت
إن إنت دنيا حلوة .. فتحت باب السعادة

حبيبي لما جيت .. خدتني حسيت
إحساس لأول مرة .. بالأمان بالهنا

حبيبي لما حبيت .. إتغيرت وبقيت
بشوف الدنيا حلوة .. وإنت معايا هِنا

قلبي طاير من الفرح .. قلبي لا ولا يوم جرح
إنت مكافأة وهدية .. والبال وياك سرح

NaBiL THaBeT

2022

 

إستغنت

 

أهي إستغنت

وفرحانة وكمان غَنِّت

دي طايرة بجد من الفرحة

ولا إهتمت

وليه تهتم ؟ فيه غيري أهم

واحد داوى الجراح وإهتم

بقى سندها وليها أمان

وعوضها عن الحرمان

وبدل حزنها بالفرح

ولا بيظلم ولا بيجرح

جرحت أنا فيها جرح كبير ولا بيلم

وليه تهتم ؟ فيه غيري أهم 

واحد داوى الجراح وإهتم 

أهي حَبِّت

وكانت بتقولي من بعدك 

لايمكن أحب

كلام كان كدب

أهي بتعشق

شايف بعينيا ومصدق

ده حب بجد مش تمثيل

وأهي لقيت لقلبي بديل 

وليه تهتم ؟ فيه غيري أهم 

واحد داوى الجراح وإهتم 

NaBiL THaBeT

2022

أقل من الطبيعي

 

عادي أيوة عادي .. ما أشوفكيش قصادي
هتعود ع الغياب
ماضي إنتي ماضي .. عليا مهما تنادي
مش هتلقي جواب

وعادي إنك تبيعي .. ده أقل من الطبيعي
وأنا كان ف بالي أكتر
فعادي إنك تخوني .. وإنك لغيري تكوني
هيكون عذابه أكبر

عادي كل الجراح .. ولا بندم ع اللي راح
كله بيتعوض
ولا ببكي على حبيب .. بقى أغرب من الغريب
ع الغدر متعود

وعادي إنك تضيعي .. ده أقل من الطبيعي
ولسه اللي جاي أصعب
فعادي إنك تضِلي .. مع إنك كنتي ضِلي
عليكي ولا هتصعّب

NaBiL THaBeT

تحلم وتعيش

 

تحلم وتعيش الحلم حقيقة
تحلم وتعيش ويا حبيبة
وياها الدنيا بجد جميلة
ومعاها الليلة أحلى ليلة

ولأخر يوم في حياتك
تفضل وياك ضحكاتك
أهي جت لك وراسمة لك
ملامحك بإبتساماتك

تحلم وتعيش أيوة يابختك
دي حبيبتك دايبة وتشبهلك
لايقين على بعض وبتحبك
ومابينكم وعد تصون قلبك

ولأخر يوم في حياتك
تفضل وياك ضحكاتك
أهي جت لك وراسمة لك
ملامحك بإبتساماتك

تحلم وتعيش عمرك تعشق
الحلم العالي أهو إتحقق
بقى ملك إيديك خلاص صَدّق
دي حبيبتك عن غيرها بتفرق

وحياتك وياها بتفرق 

ولأخر يوم في حياتك
تفضل وياك ضحكاتك
أهي جت لك وراسمة لك
ملامحك بإبتساماتك

NaBiL THaBeT 

واحدة مزيفة

هي مَرَّة ومَرَّة تِكفِي
اتعلمي لو مَرَّة تِوفِي
الخيانة طبع مَخفِي
جوه منك عايشة بيه

هي مَرَّة وجِيت لعَندِك
جيت وشُفت بعيني عِندِك
السعادة جَت لي بَعدِك
عمر أحلى عايش فيه

حبي ليكي بندم عليه
حبي ليكي ما تستاهليه
قلبي ده اللي لعبتي بيه
حتندمي عمرك عليه !!

هي مَرَّة وأنا اتعلمت
في إختيارك غلطت
بعد ما سيبتك عرفت
إنتي واحدة مزيفة

كل حاجة فيكي كدب
قلب إيه ولا ليكي قلب
لاعمره حس لا عمره حب
إنتي واحدة مزيفة

حبي ليكي بندم عليه
حبي ليكي ما تستاهليه
قلبي ده اللي لعبتي بيه
حتندمي عمرك عليه !!

NaBiL THaBeT 

2022

عايشين على الإحساس

 

أنا شاهد ع اللي كان 

بينكم ده كان

مش غرام

بتقولوا عايشين فيه 

بأمارة إيه 

ده كلام ؟!

كانت كدبة وصدقتوها 

وحكيتوها لكل الناس 

واللي يشوفكم يقول عليكم 

عايشين على الإحساس 

ولسه تاني هتمثلوا الحب

ما خلاص كل شيء بان

بان الكدب

وبقى كل الناس عارفين

إن إنتوا للحب مش فاهمين

واللي بينكم ده مش غرام

ده بس في عقولكم أوهام

عيشتوا فيها وصدقتوها

وحكيتوها لكل الناس

واللي يشوفكم يقول عليكم 

عايشين على الإحساس 

طب حاولوا تاني تجربوا الحكاية

رجعوها تاني للبداية

عيشوا فيها وصدقوها

وتاني إحكوها لكل الناس

واللي يشوفكم هيقول عليكم

عايشين على الإحساس 

NaBiL THaBeT

عنها بيسألوني

عنها بيسألوني هي مين؟

اللي بتكتب فيها كلام الحب

اللي شاغلة البال والقلب

أرد بكلمة واحدة أقول حبيبتي

برضو يسألوني هي مين ؟

هي حقيقة ولا الخيال

صورة راسمها وليها ميّال

قلبي عِشقها وليها مال

دي هي آية من الجمال

هي حقيقي ترد الروح

قلبي ليها كتاب مفتوح

معايا دايما فين ما أروح

سميتها روح الروح

عنها بيسألوني عن مكانها

مكانها ف قلبي حضني بيتها

لو شوفتوا مرة ضحكتها

تعرفوا ليه أنا حبيتها

سِر جمالها في الهدوء

أصل أدب أخلاق وذوق

حَلِّت حياتي بأحلى شوق

خَلِّت أحلامي عالية فوق

NaBiL THaBeT

2022

صورة في ذكرياتي

 

أهو كان حب وعدى وراح

بعديه بكام سنة قلبي إرتاح

أه تعب فترة وعاش في جراح

لكن بعد ما قابل حب جديد إرتاح

ونسيت كل الماضي

بقى شيء عادي 

ومابتهزش لو في يوم لقيتها قصادي

مشيت وكملت حياتي

وعيدت حساباتي

وبقت هي مجرد صورة في ذكرياتي

أهي دلوقتي في حضن تاني وأنا مع غيرها

ماشية الأيام وما وقفتش وكتر خيرها

عيشنا سنين مع بعض وكان البعد أخرها

يعني على رأي اللي قال خيرها في غيرها

ونسيت كل الماضي

بقى شيء عادي 

ومابتهزش لو في يوم لقيتها قصادي

مشيت وكملت حياتي

وعيدت حساباتي

وبقت هي مجرد صورة في ذكرياتي

أهو كان حلم ومنه صحينا

في سكة تاهت فيها خطاوينا

بعدنا وإخترنا الفراق بإيدينا

وكل واحد شاف بديل وإنتهينا

NaBiL THaBeT

تعلى الحالة

أنا أسف على كل مشاعري اللي إديتهالِك

وإنتي الحب بالنسبة لِك

مش أكتر من ماديات

على طول هات

عايزة اللبس كمان ماركات ؟!

ما بتخلصش الإحتياجات

تِعلى الحالة .. يزيد إحساسِك

بسمع أحلى كلام 

تِنزِل حبة .. لا بلقى محبة

ونكد بالأيام

أنا أسف على كل الحب اللي إديتهولِك

وماخدتش غير لَوية بُوزِك

ده إنتي عليكي أغرب بصّات

مش طبيعية إنتي بحالات

لأ وعليكي أعجب حركات

ولا رجالة بشنبات !!

تِعلى الحالة .. يزيد إحساسِك

بسمع أحلى كلام 

تِنزِل حبة .. لا بلقى محبة

ونكد بالأيام

أنا أسف على كل الشوق

أسف أنا علِّيتِك فوق

وإنتي مقامك أصلاً تحت

كنت أنا مَعمِي وفتَّحت

سيبتك من معاناتي خلصت

جنبِك عمري في يوم ما ارتحت

تِعلى الحالة .. يزيد إحساسِك

بسمع أحلى كلام 

تِنزِل حبة .. لا بلقى محبة

ونكد بالأيام

NaBiL THaBeT